Maharashtra News Live Update: दहावीच्या परीक्षेचे अर्ज भरण्यास आजपासून सुरूवात

फेब्रुवारी-मार्च २०२७ मध्ये घेण्यात येणाऱ्या दहावीच्या परीक्षेसाठी विद्यार्थ्यांचे अर्ज भरण्याची प्रक्रिया आजपासून सुरू

दहावीच्या परीक्षेसाठी नियमित शुल्कासह ३१ ऑक्टोबरपर्यंत अर्ज भरता येणार

पारोळा, शिवरे दिगर येथे सोमवारी झालेल्या ग्रामसभेतील गोंधळामुळे ग्रामसेवक पी. एन. पाटील यांना हृदयविकाराचा झटका येऊन त्यांचा मृत्यू झाला. या प्रकरणी शिवरे दिगरच्या सहा जणांविरुद्ध सदोष मनुष्यवधाचा गुन्हा दाखल झाला असून, एकाला पोलिसांनी ताब्यात घेतले आहे.

- आग विझवताना घटनास्थळी एक जळालेला मृतदेह आढळून आला. मृतदेह पूर्णपणे जळाल्याने त्याची ओळख पटवणे कठीण...

- मृतदेह पुढील तपासासाठी नागपूर मेडिकल कॉलेज रुग्णालयात पाठवण्यात आले आहे.

- प्रतापनगर पोलिसांसह फॉरेन्सिक पथकही तपासणी केली...प्राथमिक माहितीनुसार, आढळलेला मृतदेह एखाद्या भिक्षेकऱ्याचा असण्याची शक्यता..

- मात्र, मृताची ओळख अद्याप स्पष्ट झालेली नाही.

- आग नेमकी कशामुळे लागली आणि मृत व्यक्तीची ओळख काय, याचा तपास प्रतापनगर पोलीस करत आहेत.

पुण्यात राष्ट्रवादी काँग्रेस शरदचंद्र पवार पक्षाकडून आता दोन शहराध्यक्ष

पुणे पश्चिम शहराध्यक्षपदी विशाल तांबे, तर पूर्व शहराध्यक्षपदी श्रीकांत पाटील यांची नियुक्ती

शिवसेना, राष्ट्रवादी कॉंग्रेस पक्ष व कॉंग्रेस पक्षाच्या पाठोपाठ आता राष्ट्रवादी कॉंग्रेस शरदचंद्र पवार पक्षानेही शहरासाठी दोन शहराध्यक्ष नियुक्तीची भूमिका

त्यानुसार पुणे शहर पश्‍चिम शहराध्यक्षपदी विशाल तांबे यांची, तर पक्षाचे प्रभारी शहराध्यक्ष श्रीकांत पाटील यांची शहराच्या पूर्व शहराध्यक्षपदी नियुक्ती

सातारा जिल्हा परिषद अध्यक्ष आणि उपाध्यक्षपदाच्या निवडणुकीतील नियमभंगाच्या तक्रारीवरून आता राष्ट्रवादी काँग्रेस आणि शिंदेसेना उच्च न्यायालयात जाण्याच्या तयारीत आहे.२० मार्च रोजी झालेल्या निवडणुकीत भाजपचे अध्यक्ष आणि उपाध्यक्ष निवडून आले होते. या निवडणुकीत नियमांचे उल्लंघन झाल्याचा आरोप करत विभागीय आयुक्तांकडे तक्रार दाखल करण्यात आली आहे.मात्र, मागील दोन ते अडीच महिन्यांपासून या तक्रारीवर सुनावणी झालेली नाही. लेखी विनंती करूनही सुनावणीची तारीख मिळत नसल्याने,आता उच्च न्यायालयात दाद मागणार असल्याची माहिती तक्रारदारांचे वकील ॲड. दत्तात्रय घोडके यांनी दिली आहे

कर्जत तालुक्यातील चिंचोली काळदात फाटा चौक येथे जमावबंदी आदेशाचा भंग करून रस्ता रोको केल्याप्रकरणी मिरजगाव पोलीस ठाण्यात आमदार संग्राम जगताप यांच्यासह दीडशे जणांवर गुन्हा दाखल करण्यात आला आहे. चिंचोली काळदात फाटा चौक येथे हे आंदोलन झाले. जिल्हादंडाधिकाऱ्यांच्या मनाई आदेशाचा भंग करून श्रीगोंदा ते जामखेड आणि कर्जत ते मिरजगाव रस्त्यावरील वाहतूक अडवण्यात आली होती. यामुळे प्रवाशांची अडचण झाली. या प्रकरणी पोलीस कर्मचारी बळीराम गोपीनाथ काकडे यांनी मिरजगाव पोलीस ठाण्यात सरकारतर्फे फिर्याद दिली आहे.त्यांच्या फिर्यादीवरून आमदार संग्राम जगताप, धवलसिंह मोहिते, यांच्यासह इतर 100 ते 150 जणांवर गुन्हा नोंदवण्यात आला आहे.हा गुन्हा दाखल झाल्यानंतर आमदार संग्राम जगताप यांनी पोलीस प्रशासनावर टीकेची तोफ डागली आहे.

महाराष्ट्र लोकसेवा आयोगामार्फत अराजपत्रित गट-ब दुय्यम सेवा २०२५ अंतर्गत घेण्यात आलेल्या राज्य कर निरीक्षक आणि दुय्यम निबंधक मुख्य परीक्षेच्या निकालात महाज्योती, नागपूरच्या १२३ बहुजन विद्यार्थ्यांनी यश संपादन केले आहे.

राज्य कर निरीक्षक पदाच्या एकूण २८० जागांपैकी १०१ जागांवर ‘महाज्योती’चे विद्यार्थी यशस्वी

- मराठी रंगभूमी, मालिका आणि चित्रपट क्षेत्रातील अष्टपैलू योगदानाबद्दल गौरव.

- मुख्यमंत्री देवेंद्र फडणवीस यांच्या हस्ते अशोक सराफ आणि अभिनेत्री निवेदिता सराफ यांचा सत्कार

- नागपूर मनपा, श्री सिद्धिविनायक सेवा ट्रस्ट आणि विदर्भ गौरव प्रतिष्ठानचा संयुक्त उपक्रम

- सायंकाळी ६.३० वाजता डॉ. वसंतराव देशपांडे सभागृहात सोहळा.

- ‘दिलखुलास गप्पा’ कार्यक्रमात पुष्कर श्रोत्री साधणार अशोक मामांशी मनमोकळा संवाद.

- प्रदीर्घ कलाप्रवासातील आठवणींना मिळणार उजाळा.