माणुसकीला आणि आजी नातवाच्या नात्याला काळीमा फसणारी घटना दोन दिवसपूर्वी मुंबईत घडली होती. त्वचेच्या कॅन्सरने त्रस्त असलेल्या एका वृद्ध महिलेला तिच्याच नातूने काचऱ्याच्या ढिगाऱ्यात फेकून दिले होते. ही वृद्ध महिला मुंबई येथील गोरेगावमध्ये असलेल्या आरे कॉलनीतील युनिट क्रमांक 32 कडे जाणाऱ्या रस्त्यावरील कचऱ्याच्या ढिगाऱ्यावर सापडली. यामुळे एकच खळबळ उडाली आहे. सदर घटना सीसीटीव्हीमध्ये कैद झाली असून हा व्हिडिओ आता समोर आला आहे. पोलिसांनी तब्बल 50 सीसीटीव्ही कॅमेरे तपासले तेव्हा या नातवाने त्याच्या दोन साथीदारांची मदत घेऊन आपल्या आजीला कचऱ्यात फेकले. पोलिसांनी या तिघांच्या मुसक्या आवळल्या असून BNS कलम 125 अनुसार कारवाई केली आहे.