Shreya Maskar
जंक फूड खाणे टाळा. नाश्त्यासाठी तुम्ही मठरी हा पदार्थ खाऊ शकता. हा बनवाला अगदी सोपा आहे. तसेच लहान मुलांना खूपच आवडेल.
मठरी बनवण्यासाठी मैदा, ओवा, काळी मिरी, कसुरी मेथी, मीठ, तूप, तीळ इत्यादी साहित्य लागते. यांचे योग्य प्रमाण घ्या.
मठरी बनवण्यासाठी सर्वप्रथम एका बाऊलमध्ये मैदा , ओवा, काळी मिरी, कसुरी मेथी, तीळ आणि मीठ घालून चांगले मिक्स करा.
थोडे तूप आणि पाणी टाकून मैद्याची कणिक मळून घ्या. मळलेल्या कणिकेला १५–२० मिनिटे ओल्या कापड्यात बांधून ठेवा.
कणिक चांगली मुरल्यानंतर त्याचे छोटे छोटे गोळे करून पातळ मठरी लाटून घ्या. यावर थोडे मैद्याचे पीठ टाका.
पॅनमध्ये तेल गरम करून त्यात मठरी गोल्डन फ्राय करा. मठरी मंद आचेवर तळल्यास आतूनही पूर्ण शिजते आणि खुसखुशीत होते.
संध्याकाळी किंवा ऑफिसमध्ये भूक लागल्यावर गरमागरम चहासोबत कुरकुरीत आणि चटपटीत मठरीचा आस्वाद घ्या.
तयार मठरी एक महिना चांगली टिकते. तुम्ही हवाबंद डब्यात मठरी स्टोर करा. जेणेकरून ती खराब होणार नाही आणि दीर्घकाळ चांगली टिकेल.