मॅग्नेशियम हे आपल्या शरीरासाठी गरजेचं असलेलं एक मिनरल आहे. मॅग्नेशियम स्नायूंचं कार्य, मज्जातंतूंचे संकेत, हृदयाचे ठोके आणि त्वचेचं आरोग्य राखण्यास मदत करते. ज्यावेळी शरीरात त्याची कमतरता होते तेव्हा चेहऱ्यावर आणि डोळ्यांभोवती काही सौम्य लक्षणं दिसू शकतात.
परंतु चेहऱ्यावरील बदल हे नेहमीच मॅग्नेशियमच्या कमतरतेचे लक्षण नसतात. अपुरी झोप, ताण, ऍलर्जी किंवा दैनंदिन दिनचर्येत बदल हे देखील कारणीभूत घटक असू शकतात. मात्र जीवनशैलीत बदल केल्यानंतर समस्या कायम राहिल्यास तुम्ही सावधगिरी बाळगणं गरजेचं आहे.
एका वेबसाईटला माहिती देताना डॉ. मोहित शर्मा यांनी सांगितलं की, मॅग्नेशियमच्या कमतरतेमुळे अनेकदा गंभीर लक्षणं उद्भवत नाहीत. मॅग्नेशियम हे नसा आणि स्नायूंचं संतुलन, झोप, चयापचय क्रिया आणि पेशी दुरुस्ती करत असतं. ज्यावेळी याची कमतरता निर्माण होते तेव्हा शरीर सुरुवातीला जुळवून घेण्याचा प्रयत्न करतं. म्हणून सुरुवातीची लक्षणं रूग्णाला समजत नाहीत. ही लक्षणं काय आहे ती पाहूयात.
पापण्या फडफडणं ही एक सामान्य तक्रार आहे. थकवा, जास्त स्क्रीन टाईम, कॅफिन किंवा ताण यामुळे देखील पापणी फडफडू लागते. मॅग्नेशियम हे नसा आणि स्नायूंमधील संतुलन राखतं. त्यामुळे याच्या कमतरतेमुळे मज्जातंतूंवर परिणाम होतो, ज्यामुळे वारंवार पापण्या फडफडतात.
डोळ्यांखाली डार्क सर्कल आणि सूज येणं हे विविध कारणांमुळे होऊ शकतं. झोपेचा अभाव, ऍलर्जी किंवा लोहाची कमतरता ही सामान्य कारणं आहेत. मॅग्नेशियम झोप सुधारण्यास मदत करतं. याच्या कमतरतेमुळे तुमचा चेहरा थकलेला, निस्तेज किंवा सुजलेला वाटू शकतो.
जबड्यात घट्टपणा जाणवणं
चेहऱ्यावर ताण येणं
हात किंवा पाय थरथरणं
वारंवार डोकेदुखी
डॉक्टरांच्या मते, मॅग्नेशियमची टेस्ट करणं सोपं नाही. एक साधी टेस्ट नेहमीच स्पष्ट चित्र दाखवत नाही. म्हणून लक्षणं, आहार आणि रिस्क फॅक्टरवर यांच्यावर भर दिला पाहिजे. हिरव्या पालेभाज्या, काजू, बिया, संपूर्ण धान्य आणि कडधान्ये हे चांगले स्रोत असल्याने त्यांचा आहारात समावेश करावा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.