संजय गडदे, साम टीव्ही

मुंबईतील विलेपार्ले परिसरातील विमानतळावर आग लागल्याची धक्कादायक घटना समोर आली आहे. टर्मिनल १ येथे सायंकाळी साधारण सहा वाजण्याच्या सुमारास ही आग लागल्याची प्राथमिक माहिती मिळत आहे.

प्राथमिक अंदाजानुसार शॉर्टसर्किटमुळे ही आग लागली असावी, अशी शक्यता व्यक्त केली जात आहे. घटनेची माहिती मिळताच विमानतळ पोलीस आणि महापालिकेचे अग्निशमन दल तात्काळ घटनास्थळी दाखल झाले.

सध्या आगीवर नियंत्रण मिळवण्यासाठी युद्धपातळीवर प्रयत्न सुरू असून परिस्थिती नियंत्रणात आणण्याचे काम वेगाने सुरू आहे. अद्याप कोणतीही जीवितहानी झाल्याची माहिती समोर आलेली नाही.