अंबरनाथमध्ये राजकीय वातावरण तापले. अंबरनाथमध्ये भाजप आणि शिवसेना शिंदे गटामध्ये नगरपरिषदेबाहेर तुफान राडा झाला. नगरपालिकेबाहेर दोन्ही पक्षांचे कार्यकर्ते आपापसात भिडले. काल उपनगराध्यक्षपदाच्या निवडणुकीनंतर पालिकेबाहेर भाजप आणि शिंदेसेनेचे कार्यकर्ते भिडले. पालिकेबाहेर झालेल्या राड्याचे व्हिडिओ समोर आले असून ते व्हायरल होत आहेत. उपनगराध्यक्षपदाच्या निवडणुकीत शिवसेनेने भाजपचा पराभव केला होता.

अंबरनाथमध्ये भाजपचा नगराध्यक्ष निवडून आला. त्यानंतर उपनगराध्यक्षपदाच्या निवडणुकीत शिंदे गट आणि अजित पवार गटाने बाजी मारली. राष्ट्रवादी काँग्रेसचे नेते सदा मामा पाटील यांची उपनगराध्यक्षपदी निवड झाली. भाजप प्रणित अंबरनाथ विकास आघाडीला २८ मते मिळाली. तर अंबरनाथ शिवसेना महायुती विकास आघाडीला एकूण ३२ मते मिळाली होती. उपनगराध्यत्रपदी सदा मामा पाटील यांची निवड झाल्यानंतर त्यांच्या विरोधात घोषणा देण्यात आल्या होत्या.