नारायणगाव-जुन्नर रस्त्यालगत साकार नगरी सोसायटीजवळ बिबट्याने एका तरुणावर हल्ला केल्याची धक्कादायक घटना घडली. तनिष परदेशी (वय १८) हा तरुण गंभीर जखमी झाला असून नशिबाच्या जोरावर त्याचा जीव वाचला आहे.

हि घटना रात्री सव्वा आठच्या सुमारास घडली. मोबाईलवर बोलत रस्त्यालगत उभा असलेल्या तनिषवर अचानक बिबट्याने झडप घातली. या हल्ल्यात त्याच्या पायाच्या पोटरीवर नखांनी खोल ओरखडे पडले.

स्थानिकांनी तत्काळ धाव घेत जखमी तरुणाला नारायणगाव ग्रामीण रुग्णालयात दाखल केले. डॉक्टरांनी त्याची प्रकृती स्थिर असल्याचे सांगितले.

या घटनेमुळे परिसरात भीतीचे वातावरण निर्माण झाले आहे. मात्र अजून ही प्रशासनाकडून बिबट्याच्या वाढत्या दहशीतवर अजूनही काठोर पावलं उचलली जात नाहीये. यामुळे नागरिकांनी संताप व्यक्त केला आहे.