अमेरिका आणि इस्रायलने केलेल्या हल्ल्यात इराणचे सर्वोच्च नेते अयातुल्ला अली खामेनी यांचा मृत्यू झाला. अमेरिकेचे मुख्य हेतू जरी साध्य झालं असलं तरी इराण मागे सरकणार नाही तसंच रशिया आणि चीनची भूमिका काय आहे हे पाहणं महत्त्वाचं असेल परिणामी भारतावर सुद्धा याचा प्रभाव होणार असल्याचं मत आंतरराष्ट्रीय विषयांचे अभ्यासक डॉ विजय खरे यांनी व्यक्त केलं आहे. स्ट्रेट ऑफ होर्मोज जर इराणने बंद करायचं ठरवलं तर तेलाचे प्रति बॅरल १३० डॉलर पर्यंत जाईल जे भारताला परवडणार नाही. आज ही इराणकडे ३००० बॅलिस्टिक क्षेपणास्त्र आहेत. जो पर्यंत ते संपणार नाहीत तो पर्यंत हे सुरू राहील. त्यासोबतच अमेरिकेचे राष्ट्राध्यक्ष डोनाल्ड ट्रम्प हे युद्ध कधी थांबवतील हे पाहणं महत्त्वाचे असेल असं सुद्धा ते म्हणाले.