जम्मू-काश्मीरमधील पहलगाम हल्ल्यानंतर भारतानं दहशतवादाला खतपाणी घालणाऱ्या पाकिस्तानच्या नाड्या आवळण्यास सुरुवात केली आहे. पाणी रोखल्यानंतर पाकिस्तान्यांना भारतात नो एन्ट्री म्हणत दुसरा स्ट्राइक केला. आता दहशतवाद पोसणाऱ्या पाकिस्तानला धडा शिकवण्याची योजना भारतीय लष्करानं आखली आहे.

पाकिस्तानकडून सातत्यानं होणारी घुसखोरी आणि दहशतवादी हल्ल्यांच्या पार्श्वभूमीवर भारतीय लष्कराने एक बेधडक आणि प्रभावी निर्णय घेतलाय. भारतीय लष्करानं काश्मीरमध्ये 'थ्री लेयर ऑपरेशन' सुरू केलंय. पाकिस्तानकडून होणाऱ्या शस्त्रास्त्र चाचण्या, लॉन्चपॅड्स आणि हालचालींवर सैन्याची थेट नजर असणार आहे. जे मार्ग नेहमी दहशतवाद्यांच्या घुसखोरीसाठी वापरले जातात, त्यावरही लक्ष असेल. तसंच सैन्यानं काश्मीर खोऱ्यात लपून बसलेल्या विदेशी दहशतवाद्यांचा शोध घेण्याची मोहीम तीव्र केली आहे.