घाटकोपरच्या नित्यानंद नगरमध्ये तिरंगा झेंडा घेऊन फिरत असलेल्या लहान मुलांना मारहाण केल्याची घटना घडली. या मुलांना मारहाण केल्यामुळे तणावाचे वातावरण निर्माण झाले आहे. यावेळी दोन गटात जोरदार हाणामारी झाली. मुलं घराबाहेर तिरंगा घेऊन घोषणा देत आल्याचा राग इथे एका व्यक्तीला आला. त्याने या मुलांना मारहाण केली. त्या मुलांना घोषणा देण्यापासून रोखल. यावरून वाद वाढला आणि इथे हाणामारी सुरू झाली. महिला आणि पुरूषांनी यावेळी एकमेकांना शिवीगाळ करत हाणामारी केली. दोन्ही गटाच्या लोकांना घाटकोपर पोलिसांनी पोलिस ठाण्यात आणले असून पोलिस पुढील कारवाई करत आहेत.