आखाती देशांमध्ये सुरू असलेल्या युद्धाचा फटका हॉटेल व्यावसायिकानंतर सामान्य नागरिकांच्या स्वयंपाक घरांपर्यंत येऊन पोहचला आहे. या युद्धाची झळ स्वयंपाक घरापर्यंत येऊन पोहचल्या आहेत. गॅस सिलिंडर मिळत नसल्यामुळे त्यावर उपाय म्हणून गृहिणींकडून इलेक्ट्रिक शेगडीची मागणी वाढली आहे. युद्धा अगोदर घरगुती गॅस संपल्यानंतर दुसऱ्या दिवशीच गॅस सिलेंडर एजन्सीकडून पुरवठा केला जात होता. मात्र अमेरिका- इस्राईल आणि इराणच्या युद्धामुळे आता गॅस कंपन्या २५ दिवसांनंतर गॅस सिलेंडर देत आहेत. त्यामुळे मोठ्या प्रमाणात गॅस सिलिंडरचा तुटवडा भासू लागला आहे. व्यापारासाठी लागणारा गॅस तर मिळत नसल्याने हॉटेल चालकांवरती हॉटेल बंद करण्याची वेळ आली आहे. तर घरगुती गॅस सिलेंडरचा तुटवडा असल्यामुळे नागरिक आणि गृहणी चिंतेत आले आहेत. यावर उपाय म्हणून गृहिणींनी अखेर इलेक्ट्रिक शेगडी घेण्याकडे वळल्या आहेत. इलेक्ट्रिक शेगडी खरेदी करण्यासाठी महिलांनी दुकानांमध्ये मोठी गर्दी केली आहे. इलेक्ट्रिक शेगडीची मागणी वाढल्यामुळे दुकानातील स्टॉक देखील संपला आहे.