नवी मुंबई महापालिका आयुक्तांचे निवासस्थान नेरूळ रेल्वे स्थानका समोर असून या पत्त्यावर तब्बल १५० मतदारांची नोंद करण्यात आली आहे. मतदार यांद्या मधील १५० मतदारांचा पत्ता हा नेरूळ रेल्वे स्टेशन , आयुक्त निवास असल्याचे दिसून आले आहे. त्यामुळे चक्क महापालिका आयुक्तांच्या निवास पत्त्यावर मतदारांची नोंद झाल्याने परत एकदा निवडणूक आयोगाचा भोंगळ कारभार समोर आला आहे. या आधी महापालिका सार्वजनिक शौचालयात मतदारांची नोंद आढळली आहे. त्यानतंर पामबीच रोडवर २५० मतदारांची नोंद झाली असून आता महापालिका आयुक्तांच्या निवासी पत्त्यावर १५० मतदारांची नोंद भेटली आहे.