भारत-अमेरिका व्यापार संबंधांमध्ये तणाव वाढला असून 'टॅरिफ युद्धा'ने आता आणखी तीव्र रूप धारण केलं आहे. अमेरिकेचे माजी राष्ट्राध्यक्ष डोनाल्ड ट्रम्प यांनी दिलेली धमकी अखेर प्रत्यक्षात आली आहे. त्यांनी भारतातील आयातीत येणाऱ्या वस्तूंवर अतिरिक्त २५ टक्के आयात शुल्क लादण्याचा निर्णय घेतला आहे. याआधीही भारतातून अमेरिकेत येणाऱ्या काही वस्तूंवर २५ टक्के आयात शुल्क आकारण्यात येत होतं. आता या निर्णयामुळे हे शुल्क थेट ५० टक्क्यांवर पोहोचलं आहे. यामुळे भारतीय व्यापारावर मोठा आर्थिक परिणाम होण्याची शक्यता व्यक्त होत आहे.

डोनाल्ड ट्रम्प यांनी कालच आपल्या भाषणात स्पष्ट इशारा दिला होता की, भारतासारख्या देशांवर कडक टॅरिफ लावणं गरजेचं आहे, अन्यथा अमेरिकेचं नुकसान थांबणार नाही. पुढच्या २४ तासांत हा निर्णय प्रत्यक्षात येणार असल्याचंही त्यांनी जाहीर केलं होतं आणि तो आज अंमलात आणला गेला. भारतीय व्यापार आणि निर्यातीवर याचा काय परिणाम होतो, हे पाहणं आता महत्त्वाचं ठरणार आहे.