सोलापूर जिल्ह्यातील मंगळवेढा येथे छत्रपती शिवाजी महाराज पुतळा अनावरण कार्यक्रमाच्या निमित्ताने पहिल्यांदाच मुख्यमंत्री देवेंद्र फडणवीस आणि मराठा आंदोलन मनोज जरांगे पाटील हे एकत्र येणार आहेत. हा कार्यक्रम 26 ऑक्टोबर रोजी मंगळवेढा येथे दुपारी 1 वाजता होणार आहे.

या कार्यक्रमास उपमुख्यमंत्री अजित पवार, सार्वजनिक बांधकाम मंत्री शिवेंद्रराजे भोसले, माजी खासदार छत्रपती संभाजीराजे, साताराचे खासदार छत्रपती उदयनराजे भोसले तथा पालकमंत्री जयकुमार गोरे, कृषिमंत्री दत्तात्रय मामा भरणे आदी उपस्थित राहणार आहेत.

मनोज जरांगे पाटील यांनी उपोषणादरम्यान देवेंद्र फडणवीस यांच्यावर शिवराळ भाषेत टीका केली होती. मुंबई येथील आझाद मैदानावर झालेल्या आंदोलनात देखील जरांगे यांचा रोख हा द=फडणवीस यांच्यावर होता. आरक्षणाचा अध्यादेश काढल्यानंतर फडणवीस आणि आमचे वैर संपले असे जरांगे म्हणाले होते. आता यानंतर पहिल्यांदाच मनोज जरांगे आणि देवेंद्र फडणवीस हे एका व्यासपीठावर येणार असल्याने सर्वांचे लक्ष या भेटीकडे लागले आहेत.