दिल्लीत नीट पेपरफुटीच्या निषेधार्थ सुरू असलेल्या आंदोलनाला विरोधकांनी पाठिंबा दिला आहे. जंतर-मंतरवर सुरू असलेल्या आंदोलनादरम्यान आंदोलकांवर पोलिसांनी लाठीमार केला होता. याचा निषेध म्हणून विरोधक आक्रमक झाले आहेत. विरोधकांनी संसद भवनाच्या बाहेर आंदोलन सुरू केले आहे. यावेळी मोदी सरकारविरोधात जोरदार घोषणाबाजी केली जात आहे. राहुल गांधी यांच्यासह सर्व विरोधी पक्षाचे नेते आणि खासदारांनी या आंदोलनात सहभाग घेतला आहे. विरोधकांच्या घोषणाबाजी सुरू असताना सत्ताधाऱ्यांनी देखील विरोधकांविरोधात आंदोलन सुरू केले आहे. सत्ताधारी देखील घोषणाबाजी करत आहे. संसदेच्या बाहेर सत्ताधारी आणि विरोधक आमने-सामने आल्यामुळे परिसरात गोंधळाचे वातावरण आहे. शिक्षणमंत्र्यांनी राजीनामा द्यावा, नीट पेपर फुटी प्रकरणावर दोन्ही सभागृहात चर्चा व्हावी यासह विविध मागण्या विरोधकांनी केल्या आहेत.