माजी मुख्यमंत्री तथा कॉँग्रेसचे जेष्ठ नेते दिवंगत वसंतदादा पाटील यांच्या नात सून यांनी मंत्री चंद्रकांत पाटील यांच्या उपस्थितीत भाजप प्रवेश केला असून बुधवारी मुख्यमंत्री देवेंद्र फडणवीस यांच्या उपस्थितीत अधिकृतरित्या हा पक्षप्रवेश होणार आहे. यामुळे कॉँग्रेसला मोठे खिंडार बसणार आहे. याबाबत खासदार विशाल पाटील यांना विचारला असता ते म्हणाले,

जयश्रीताई पाटलांनी भाजपासोबत घेतलेला निर्णय हा अनैसर्गिक युती होईल, अशा शब्दात, खासदार विशाल पाटलांनी टीका केली आहे, तसेच जयश्रीताई पाटील यांचा निर्णय लोक स्वीकारणार नाहीत, काँग्रेसच्या विचाराधाराच्या उलट जाऊ नये, अशी आमच्या कुटुंबाची इच्छा आहे, पण त्यांनी कुठल्या दबावातून हा निर्णय घेतला आहे, हे त्यांच्याशी बोलल्यावरचं कळेल, मात्र त्यांनी भाजपा सोबत जाऊ नये,याबाबत बोलणार असल्याचंही विशाल पाटील यांनी स्पष्ट केले आहे. तसेच मंत्री चंद्रकांत पाटील यांनीत्यांना देखील भाजपमध्ये येण्याची ऑफर दिली आहे. यावर खासदार विशाल पाटील यांनी मंत्री चंद्रकांत पाटील यांचे आभार मानले.