बीड जिल्ह्यात गेल्या १० ते १५ दिवसांपासून सुरु असलेल्या मुसळधार पावसाने हाहाकार माजवला आहे. जिल्ह्यात रेकॉर्डब्रेक पाऊसामुळे सिंदफणा नदीने रौद्ररूप धारण करत महापूर आला आहे. आष्टी ,पाटोदा, शिरूर या डोंगरपट्ट्यांमध्ये झालेल्या ढगफुटीमुळे परिस्थिती अधिक बिकट झाली आहे. नदीकाठच्या गावांमध्ये पुराचं पाणी शिरल्याने जनजीवन विस्कळीत झालं असून नागरिकांना मोठ्या अडचणींना सामोरं जावे लागत आहे.

शेतकऱ्यांचे मोठ्या प्रमाणावर नुकसान झालं असून पिके वाहून गेली आहेत.शेतीला तलावाचं स्वरुप प्राप्त झाले आहे. शेतकऱ्यांच्या हातातोंडाशी आलेल पिकं जे आहे ते पावसानं हिरावून घेतल आहे. त्यामुळे शेतकऱ्यांनकडून तात्काळ नुकसान भरपाईची मागणी होत आहे.दरम्यान, पावसाचा जोर कायम राहण्याचा अंदाज हवामान विभागानं व्यक्त केला आहे.