Mumbai Rain : मुंबईकरांनो काळजी घ्या, आज वादळी वाऱ्यासह पावसाचा इशारा | VIDEO

मुंबईत आज वादळी वाऱ्यासह हलका ते मध्यम पावसाची शक्यता हवामान विभागाने वर्तवली आहे. ३० ते ४० किमी प्रतितास वेगानं वारे वाहण्याचा अंदाज असल्याने नागरिकांनी घराबाहेर पडताना काळजी घेण्याचं आवाहन जिल्हा प्रशासनानं केलं आहे. रविवारी सकाळी ८ ते सोमवारी सकाळी ८ वाजेपर्यंत मुंबई शहरात १५.८३ मिमी, पूर्व उपनगरांत ७.४४ मिमी, तर पश्चिम उपनगरात १५.२१ मिमी पावसाची नोंद झाली आहे. अचानक वाढणाऱ्या वाऱ्याच्या वेगामुळे समुद्रकिनारी जाणं टाळावं, तसेच नागरिकांनी अनावश्यक प्रवास टाळावा आणि सुरक्षित ठिकाणी राहावे कारण की, येत्या काही तासांत हवामानात आणखी बदल होण्याची शक्यता वर्तवली जात आहे.