बारामती तालुक्यातील पिंपळी लिमटेक येथे निरा कालवा फुटल्याने बारामतीमध्ये पूर सदृश्य परिस्थिति निर्माण झाली आहे. मुसळधार पावसामुळे कालव्यातील पाण्याचा प्रवाह वाढला आणि याच दबावामुळे कालव्याला भगदाड पडल्याचे सांगितले जात आहे. संपूर्ण बारामती पाणीमय झाले असून आता तिथे NDRF च्या दोन तुकड्या रवाना झाल्या आहे.

मिळालेल्या माहितीनुसार, सध्या तिथे परिस्थिति नियंत्रणात आहे. खबरदारीचा उपाय म्हणून हे पथक रवाना झाले आहे. संत तुकाराम महाराज पालखी महामार्ग देखील काही काळासाठी बंद करण्यात आला आहे. यामुळे कालव्याचे पाणी थेट लोकांच्या घरात आणि शेतात शिरले आहे. याचीच खबरदारी म्हणून प्रशासनाने NDRF रवाना केली आहे. तसेच नागरिकांना सतर्कतेचा इशारा देण्यात आला आहे.