दिल्ली: मुख्यमंत्री देवेंद्र फडणवीस यांनी केंद्रीय गृहमंत्री अमित शाह यांची संसद भवन येथे भेट घेतली आहे. या दोघांमध्ये 25 मिनिटे चर्चा झाली असून या भेटीत राजकीय खलबतं होणार असल्याची माहिती सूत्रांनी दिली आहे. गेल्या काही दिवसांपासून राज्यात हनी ट्रॅपचे प्रकरण जोरदार गाजत असल्यामुळे यामध्ये अनेक आजी, माजी मंत्री अडकले आहे. याबाबत देखील चर्चा झाली आहे. राज्यातील अनेक मंत्र्यांचे एकेक व्हिडिओ आणि भ्रष्टाचाराचे आरोप हे विरोधकांकडून केले जाताय.

यामुळे सरकार कुठेतरी अडचणीत आल्यामुळे यावर देखील अमित शाह यांनी काही सूचना केल्याची माहिती आहे. तसेच कृषिमंत्री माणिकराव कोकाटे यांचा रम्मी खेळतानाचा व्हिडिओ बाहेर आल्यानंतर देखील सरकारच्या प्रतिमेला तडा गेला आहे. काही दिवसांपूर्वीच संजय राऊत यांनी मंत्री संजय शिरसाट यांचा पैशाची बॅग सोबत असलेला व्हिडिओ पोस्ट केला होता. यामुळे एकच खळबळ उडाली होती. या सगळ्यामुळे राज्यातील जनता ही सरकारवर नाराज आहे. एकंदरीतच या सगळ्या विषयावर देवेंद्र फडणवीस आणि अमित शाह यांची सविस्तर चर्चा झाली असल्याची माहिती विशेष सूत्रांनी दिली आहे.