गुजरातच्या अहमदाबादमध्ये गुरूवारी मोठी विमान दुर्घटना घडली. या दुर्घटनाग्रस्त विमानातून गुजरातचे माजी मुख्यमंत्री विजय रुपाणी हे प्रवास करत होते. विमान प्रवासादरम्यानचा विजय रुपाणी यांचा फोटो समोर आला आहे. विमानात बसल्यानंतर एका महिला प्रवाशाने फोटो काढला होता. या फोटोमध्ये विजय रुपाणी मागच्या सीटवर बसलेले दिसत आहेत.

मिळालेल्या माहितीनुसार, या विमान अपघातामध्ये विजय रुपाणी गंभीर जखमी झाले असल्याची माहिती त्यांच्या ऑफिसद्वारे देण्यात आली आहे. विजय रुपाणी यांची बायको लंडनमध्ये आहे. त्यांनाच परत आणण्यासाठी ते लंडनला निघाले होते. दरम्यान, हे विमान डॉक्टरांच्या हॉस्टेलवर कोसळले. इमारतीच्या आरपार हे विमान घुसलं. विमान कोसळल्यानंतर भीषण आग लागली. या विमानतून एकूण २४२ जण प्रवास करत होते.