राज्यातील मंत्रिमंडळातील आणखी एका मंत्र्याचा राजीनामा होणार असल्याचे भाकीत माजी मुख्यमंत्री तथा शिवसेना ठाकरे गटाचे पक्षप्रमुख उद्धव ठाकरे यांनी केले आहे. सदनिका घोटाळा प्रकरणी नाशिक जिल्हा सत्र न्यायालयाने निर्णय कायम ठेवत माणिकराव कोकाटे यांना आपल्या मंत्रीपदाचा राजीनामा द्यावा लागल्याने राज्याच्या राजकारणात मोठी खळबळ उडाली. सरकार स्थापन झाल्यानंतर महायुती सरकारमधील दूसरा राजीनामा आहे.

संतोष देशमुख हत्येनंतर धनंजय मुंडे यांना देखील राजीनामा द्यावा लागला होता. अशातच उद्धव ठाकरे यांनी मोठा दावा केला आहे. गेले काही दिवस आपण पाहत आलेलो आहोत, भाजपमध्ये जरी असलो तरी सत्य काही लपून राहत नाही. कालच एका मंत्र्‍याचा राजीनामा झालेला आहे. आणखी एक मंत्री जाण्याच्या वाटेवर आहे. पण मुख्यमंत्री त्यांना पांघरून घालता आहेत. असा आरोप ही उद्धव ठाकरे यांनी केला आहे.