Who is Akash Deep:

भारत आणि इंग्लंडच्या संघात कसोटी मालिका होत आहे. पाच कसोटी सामन्यांच्या मालिकेतील दोन सामने झाले आहेत. उर्वरित तीन कसोटी मालिकेतील इतर सामन्यांसाठी टीम इंडियाचा संघ जाहीर करण्यात आला. यात बिहारचा क्रिकेटपटू आकाश दीपला संधी मिळालीय. आकाश दीपला आवेश खानच्या जागेवर संघात घेण्यात आले आहे. संघात पदार्पण करणारा आकाश कोण आहे, याचा शोध इंटरनेटवर घेतला जात आहे. (Latest News)

बिहारच्या रोहतास जिल्ह्यातील आकाश दीपचा भारतीय क्रिकेट संघात समावेश करण्यात आलाय. भारत आणि इंग्लंड यांच्यातील उर्वरित तीन कसोटी सामन्यांसाठी वेगवान गोलंदाज आकाश दीपचा संघात समावेश करण्यात आलाय. आकाश दीप आयपीएलमध्ये आरसीबीकडून खेळतो आणि नुकत्याच झालेल्या इंग्लंड लायन्स विरुद्धच्या सामन्यात आकाशने त्याच्या गोलंदाजीने प्रभावित केले आहे.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हांगझो येथे झालेल्या आशियाई क्रीडा स्पर्धेतही तो भारतीय संघाचा सदस्य होता. आकाश दीपने प्रथम श्रेणी क्रिकेटमध्ये १०३ बळी घेतले आहेत. तर टी२० मध्ये त्याने ४८ विकेट घेतल्या आहेत. गोलंदाजीतील आकाशची कामगिरी पाहूनच निवडकर्त्यांनी त्याचा कसोटी संघात समावेश करू घेतलाय. आंतरराष्ट्रीय क्रिकेटमध्ये संधी मिळवणं बिहारच्या आकाश दीपसाठी सोपं नव्हतं. या संघात पोहोचण्यासाठी त्याला अनेक अडचणींचा सामना करावा लागला. संघात संधी मिळण्याआधी आकाश टेनिस बॉलवरील टूर्नामेंटमध्ये खेळायचा.

आपल्या क्रिकेट करिअरची सुरुवात देशार्गत क्रिकेटची सुरूवात बंगालमधून केली. दीपने ९ मार्च २०१९ सय्यद मुश्ताक अली ट्रॉफीमध्ये बंगालकडून टी२० मध्ये पदार्पण केलं. तर २४ सप्टेंबर २०१९ ला विजय हजारे ट्रॉफीमध्ये बंगालकडून लिस्ट अ ची सुरूवात केली आहे. २५ सप्टेंबर २०१९ ला रणजी ट्रॉफीमध्ये बंगालकडून प्रथम श्रेणीच्या क्रिकेट खेळत रणजीत पदार्पण केलं.