भारत आणि दक्षिण आफ्रिका यांच्याच सध्या पाच टी-20 सामन्यांची सिरीज सुरु आहे. यामध्ये सिरीजमधील दुसरा सामना दक्षिण आफ्रिकेने जिंकूला असून यानंतर धर्मशालामध्ये होणारा सामना सिरीजसाठी निर्णायक ठरणार आहे. सामन्याच्या आधीच्या दिवशी म्हणजेच शनिवारी हवामानात झालेल्या बदलामुळे रविवारी दिवसभर ढगाळ वातावरण राहण्याचा अंदाज आहे.
मुख्य प्रशिक्षक गौतम गंभीरने गेल्या सामन्यात अक्षर पटेलला तिसऱ्या क्रमांकावर पाठवलं होतं. मात्र त्याचा हा प्रयोग अपयशी ठरला. प्रशिक्षक म्हणून गंभीर केकेआरपासून भारतीय टीमपर्यंत प्रयोग करतोय. त्याचे काही प्रयोग यशस्वी ठरलेत. त्यामुळे आता तिसऱ्या सामन्यात गंभीर काय प्रयोग करणार हे पाहणं महत्त्वाचं आहे.
टीम इंडिया शुक्रवारीच धर्मशाला पोहोचली असून शनिवारी खेळाडूंनी स्टेडियममध्ये फलंदाजी, गोलंदाजी आणि क्षेत्ररक्षणाचा सराव केला. तर दक्षिण आफ्रिकेच्या खेळाडूंनी मॅक्लोडगंजमध्ये फिरण्याला प्राधान्य दिले.
कर्णधार सूर्यकुमार यादव आणि उपकर्णधार शुभमन गिल यांचा खराब फॉर्म मोठ्या चिंतेचा विषय आहे. सूर्यकुमारने यंदाच्या वेळी अजून एकही अर्धशतक केलेलं नाही. गिललाही या सिरीजमध्ये मोठी खेळी करता आलेली नाही. शुभमनने शेवटचं अर्धशतक 13 जुलै 2024 रोजी हरारेमध्ये झिम्बाब्वेविरुद्ध केलं होतं. गिलला अजित अगरकर यांच्या नेतृत्वाखालील निवड समितीचा निर्णय योग्य ठरवण्यासाठी त्याला मोठी कामगिरी करावी लागेल.
पाच सामन्यांच्या सिरीजमध्ये आघाडी मिळवण्यासाठी भारताला धर्मशालामध्ये विजय मिळवणं अत्यंत गरजेचं आहे. परंतु गेल्या सामन्यात फलंदाजी आणि गोलंदाजीतील कामगिरी काहीशी चिंताजनक आहे. वारंवार केले जाणारे प्रयोगही टीमवर परिणाम करतायत. चंदीगडमध्ये खेळलेल्या सामन्यात अक्षर पटेलला तिसऱ्या क्रमांकावर आणि शिवमला आठव्या क्रमांकावर पाठवण्यात आलं होतं. शिवम मैदानात आला तेव्हा सामना हातातून निसटला होता.
या स्टेडियममधील रेकॉर्ड पाहिला तर 10 वर्षांपूर्वी 2 ऑक्टोबर 2015 रोजी खेळलेल्या एकमेव सामन्यात दक्षिण आफ्रिकेने विजय मिळवला होता. त्या सामन्यात भारताचा माजी कर्णधार रोहित शर्माने शतक ठोकलं होतं. त्यानंतर 15 सप्टेंबर 2019 रोजी दक्षिण आफ्रिका धर्मशालामध्ये भारताविरुद्ध टी-20 सामना खेळण्यासाठी आला होता, पण तो सामना पावसामुळे रद्द झाला.
शनिवारी धर्मशालामध्ये कमाल तापमान 12 अंश सेल्सियस आणि किमान तापमान सात अंश सेल्सियस नोंदवलं गेलं. रविवारीही कमाल तापमान 13 अंश सेल्सियस आणि किमान तापमान सात अंश सेल्सियस राहण्याचा अंदाज आहे. आकाशात काळे आणि दाट ढग रविवारीही पसरलेले असतील. या मैदानाचं पीच वेगवान गोलंदाज आणि फलंदाजांसाठी फायदेशीर आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.