Virat Kohli Viral Photo,IPL 2024:

आयपीएल २०२४ स्पर्धेत शनिवारी (६ एप्रिल) झालेल्या सामन्यात राजस्थान रॉयल्स आणि रॉयल चॅलेंजर्स बंगळुरू हे दोन्ही संघ आमने सामने आले होते. या सामन्यात रॉयल चॅलेंजर्स बंगळुरू संघाने प्रथम फलंदाजी करताना १८३ धावा केल्या. या धावांचा पाठलाग करताना रॉयल चॅलेंजर्स बंगळुरू संघाला ६ गडी राखून पराभवाचा सामना करावा लागला. दरम्यान या सामन्यात शतकी खेळी करणाऱ्या विराट कोहलीचा एक फोटो सोशल मीडियावर तुफान व्हायरल होतोय.

या सामन्यात राजस्थान रॉयल्स संघाने नाणेफेक जिंकला आणि प्रथम गोलंदाजी करण्याचा निर्णय घेतला. तर रॉयल चॅलेंजर्स बंगळुरू संघाला प्रथम फलंदाजी करण्याचं आमंत्रण दिलं. प्रथम फलंदाजी करण्यासाठी आलेल्या रॉयल चॅलेंजर्स बंगळुरू संघाकडून फाफ डू प्लेसिस आणि विराट कोहली ही जोडी मैदानावर आली.

दोघांनी मिळून संघाला चांगली सुरुवात करून दिली. पहिल्या विकेटसाठी दोघांनी १२५ धावा जोडल्या. फाफ डू प्लेसिस ४४ धावा करत माघारी परतला. त्यानंतर फलंदाजीला आलेल्या ग्लेन मॅक्सवेलला १ आणि सौरव चौहानला केवळ ९ धावा करता आल्या. दरम्यान एका बाजूने विकेट्स जात होत्या. तर दुसरीकडे विराटने एक बाजू धरून ठेवली. त्याने ७२ चेंडूंचा सामना करत ११३ धावांची खेळी केली. या खेळीच्या बळावर त्याने संघाची धावसंख्या १८३ धावांपर्यंत पोहचवली. (Cricket news in marathi)

विराटचा फोटो व्हायरल..

विराटच्या शतकी खेळीच्या बळावर रॉयल चॅलेंजर्स बंगळुरू संघाने २० षटकअखेर १८३ धावा केल्या. ज्या खेळपट्टीवर फलंदाजांचा कस लागत होता. त्याच खेळपट्टीवर १८४ धावा आव्हानात्मक होत्या. मात्र रॉयल चॅलेंजर्स बंगळुरू संघाचे गोलंदाज या धावांचा बचाव करू शकले नाही. बटलरने बंगळुरूच्या गोलंदाजांना धू धू धुतला आणि ६ गडी राखून सामना जिंकला.

विराटने फलंदाजीत बहुमूल्य योगदान दिलं. मात्र त्याला गोलंदाजीत हवी तशी साथ मिळालेली नाही. यापूर्वी झालेल्या सामन्यांमध्येही गोलंदाज पूर्णपणे फ्लॉप ठरले आहेत. या सामन्यातील पराभवानंतर विराट कोहलीचा डगआऊटमधील एक फोटो व्हायरल झाला. ज्यात तो भावूक असल्याचं दिसून आलं आहे. या फोटोवर नेटकरीही आपल्या प्रतिक्रिया देताना दिसून येत आहेत.