आयपीएल स्पर्धेत आज सनरायझर्स हैदराबादचा संघ गुजरात टायटन्स संघाचा सामना करताना दिसून येणार आहे. हा सामना हैदराबादच्या राजीव गांधी आंतरराष्ट्रीय स्टेडियमवर रंगणार आहे. प्लेऑफच्या शर्यतीत टिकून राहायचं असेल तर हैदराबादला हा सामना कुठल्याही परिस्थितीत जिंकावा लागणार आहे. गुजरातचा संघ या स्पर्धेतून बाहेर पडला आहे. त्यामुळे त्यांना या सामन्याच्या निकालाचा फारसा फरक पडणार नाही. मात्र ते हैदराबादचा प्लान फ्लॉप करण्याचा नक्कीच प्रयत्न करतील. दरम्यान या सामन्यात कोणते ४ फलंदाज धावांचा पाऊस पाडू शकतात? जाणून घ्या.
ट्रेविस हेड -
ट्रेविस हेड सध्या तुफान फॉर्ममध्ये आहे. त्याने आतापर्यंत झालेल्या सामन्यांमध्ये चौकार आणि षटकारांचा पाऊस पाडला आहे. त्याने ११ सामन्यांमध्ये ५३३ धावा केल्या आहेत. दरम्यान या सामन्यातही तो मोठी खेळी करू शकतो.
साई सुदर्शन -
गुजरातचा संघ जर चांगली कामगिरी करत नसला तरीदेखील साई सुदर्शनने आपली भूमिका योग्यरीत्या पार पाडली आहे. त्याने १२ सामन्यांमध्ये ५२७ धावा केल्या आहेत. गेल्या सामन्यात त्याने शतक झळकावलं होतं. या सामन्यातही तो मोठी खेळी करू शकतो.
अभिषेक शर्मा -
ट्रेवीस हेडसोबत मिळून अभिषेक शर्माने विरोधी संघातील गोलंदाजांचा चांगलाच घाम काढला आहे. त्याने १२ सामन्यांमध्ये ४०१ धावा केल्या आहेत.
शुभमन गिल -
गुजरात टायटन्स संघाची जबाबदारी खांद्यावर असूनही शुभमन गिलने फलंदाजीत संघासाठी मोलाचं योगदान दिलं आहे. त्याने १२ सामन्यांमध्ये ४२६ धावा केल्या आहेत. आज होणाऱ्या सामन्यातही त्याच्याकडून मोठ्या खेळीची अपेक्षा असणार आहे
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.