मुंबई : रणजी करंडक क्रिकेट स्पर्धेत (ranji trophy) मुंबईचा (mumbai) सुवेद पारकर (suved parkar) पदार्पणातच द्विशतक ठोकणारा दुसरा फलंदाज ठरला आहे. यापुर्वी ही किमया पारकर याचे मुख्य प्रशिक्षक अमोल मुझुमदार (Amol Mujumdar) यांनी साधली हाेती. (Suved Parkar becomes the 12th Indian to score double on FC debut)

पारकरने उपांत्यपूर्व फेरीत खेळाच्या दुसऱ्या दिवशी उत्तराखंडच्या स्वप्नील सिंगच्या चेंडूवर लाँग-ऑफला टॅप करून ३७५ चेंडूत ही धावसंख्या गाठली. त्याने १७ चौकारांसह तीन षटकार ठाेकलेत. एकाच डावात २०० पेक्षा अधिक धावा करणारा तो १२ वा भारतीय खेळाडू ठरला आहे.

संघासाठी योगदान देणे हे माझे कर्तव्य असून हा माझा पहिलाच सामना आहे. ताे माझ्यासाठी खास ठरला असे पारकर याने सोमवारी शतक झळकावल्यानंतर नमूद केले हाेते. आज त्याने द्विशतक ठाेकताच त्याच्यावर क्रिकेटप्रेमीनी समाज माध्यमातून काैतुकाचा वर्षाव सुरु केला आहे.

Edited By : Siddharth Latkar