मुंबई इंडियन्सचं (Mumbai Indians) कर्णधारपद हार्दिक पंड्याकडे (Hardik Pandya) सोपवणं हा योग्य निर्णय आहे, असं स्पष्ट सुनील गावसकरांनी व्यक्त केलं आहे. आयपीएल २०२४ स्पर्धेच्या लिलाव सोहळ्यापूर्वी मुंबई इंडियन्सने हार्दिक पंड्याला आपल्या संघात स्थान दिलं. त्यानंतर रोहित शर्माला (Rohit Sharma) कर्णधारपदावरुन काढून ही जबाबदारी त्याच्याकडे सोपवली. या निर्णयाचा क्रिकेट फॅन्सकडून जोरदार विरोध करण्यात आला. मुंबई इंडियन्सच्या फॉलोवर्सची संख्या देखील कमी झाली.
स्टार स्पोर्ट्सवर बोलताना सुनील गावसकर (Sunil Gavaskar)म्हणाले की, ‘ त्यांनी नेहमीच फ्रँचायझीच्या भविष्याचा विचार केला आहे. रोहित शर्मा ३६ वर्षांचा आहे. त्याच्यावर भारतीय संघाच्या तिन्ही फॉरमॅटच्या नेतृत्वाचा दबाव आहे. त्यांनी हा दबाव कमी करण्यासाठी ही जबाबदारी हार्दिक पंड्याकडे सोपवली आहे. हार्दिक पंड्याने गुजरात टायटन्सला सलग २ वेळेस गुजरात टायटन्सला फायनलमध्ये पोहचवलं आहे. एक वेळेस फायनल जिंकूनही दिली आहे.’ (Cricket news in marathi)
रोहित शर्मावर नेतृत्वाचा दबाव आहे. आता नेतृत्वाची जबाबदारी काढून घेतल्यानंतर त्याच्यावर असलेला दबाव कमी होईल. फ्रँचायजीला याचा फायदाच होणार आहे. असं सुनील गावसकरांचं म्हणणं आहे. रोहित शर्माने गेल्या हंगामातील १६ सामन्यांमध्ये ३३२ धावा केल्या आहेत. भारतीय संघाचं नेतृत्व करत असतानाही त्याने मुंबई इंडियन्सला प्लेऑफमध्ये पोहचवलं होतं. रोहित शर्माच्या नेतृत्वाखाली खेळताना मुंबई इंडियन्सने ८७ सामने जिंकले आहेत. तर ७६ सामन्यांमध्ये मुंबई इंडियन्सला पराभवाचा सामना करावा लागला आहे.
मुंबई इंडियन्सला फायदा होणार..
सुनील गावसकर पुढे म्हणाले की, ‘हार्दिक पंड्याकडे संघाची जबाबदारी सोपवणं हे मुंबई इंडियन्स फायदेशीर ठरणार आहे. आता रोहित शर्मा टॉप ऑर्डरममध्ये बिनधास्त होऊन फलंदाजी करु शकतो. तर हार्दिक पंड्या तिसऱ्या किंवा पाचव्या क्रमांकावर फलंदाजी करताना २०० पेक्षा अधिक धावा करु शकतो.’
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.