भारतीय संघ सध्या दक्षिण आफ्रिका दौऱ्यावर आहे. दोन्ही संघांमध्ये वनडे आणि टी -२० मालिका संपल्यानंतर आता कसोटी मालिकेला सुरुवात झाली आहे. २ कसोटी सामन्यांच्या मालिकेतील पहिला कसोटी सामना सेंच्युरियनच्या मैदानावर सुरू आहे. या सामन्यात प्रथम फलंदाजी करत असलेल्या भारतीय संघाला हवी तशी सुरुवात करता आली नव्हती.
एका पाठोपाठ एक फलंदाज माघारी जात होते. अवघ्या ९२ धावांवर ४ फलंदाज बाद झाले होते. त्यावेळी केएल राहुल फलंदाजी करण्यासाठी मैदानावर आला. त्याने भारतीय संघाला संकटातून बाहेर काढत १०१ धावांची संयमी खेळी केली. या खेळीसह त्याने भारतीय संघाचा डाव २४५ धावांवर पोहचवला.
केएल राहुलच्या या शतकी खेळीनंतर अनेक दिग्गज खेळाडूंनी त्याच्यावर कौतुकाचा वर्षाव केला आहे. दरम्यान माजी भारतीय क्रिकेटपटू सुनील गावसकर यांनी देखील त्याचं तोंडभरून कौतुक केलं आहे. (Latest sports updates)
स्टार स्पोर्ट्सवर समालोचन करत असताना सुनील गावसकर म्हणाले की, ' मी कसोटी क्रिकेटच्या इतिहासातील सर्व शतकं नाही पाहिली. मात्र माझ्या कारकिर्दीत मी भारतीय खेळाडूंकडून झळकावण्यात आलेली जितकी शतकं पाहिली आहेत. त्यापैकी हे शतक टॉप १० मध्ये आहे.'
तसेच ते पुढे म्हणाले की, ' दुखापतीतून कमबॅक केल्यानंतर आशिया चषक स्पर्धेपासून त्याचा आक्रमक अंदाज पाहायला मिळाला आहे. केएल राहुलमध्ये कौशल्याची कमतरता कधीच नव्हती. हे सर्वांनाच माहीत आहे. मात्र आशिया चषक स्पर्धेत त्याने यष्टिरक्षक फलंदाज म्हणून जो काही खेळ केला आहे, आपल्याला तोच केएल राहुल पाहायला मिळत आहे जो आपल्याला कित्येक वर्षांपासून पाहायचा होता.'
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.