आयपीएल २०२४ स्पर्धेत आज होणाऱ्या सामन्याच सनरायझर्स हैदराबाद आणि राजस्थान रॉयल्स हे दोन्ही संघ आमने सानमे येणार आहेत. हा सामना सनरायझर्स हैदराबादच्या होम ग्राऊंडवर रंगणार आहे. संजू सॅमसनच्या नेतृत्वाखाली खेळणाऱ्या राजस्थान रॉयल्स संघाने या हंगामात आतापर्यंत शानदार कामगिरी केली आहे. सध्या हा संघ गुणतालिकेत अव्वल स्थानी आहे. तर दुसरीकडे सनरायझर्स हैदराबादचा संघ गुणतालिकेत आघाडी घेण्याच्या प्रयत्नात असणार आहे.

सनरायझर्स हैदराबाद संघाबद्दल बोलायचं झालं, तर भुवनेश्वर कुमारचा जोस बटलर आणि यशस्वी जयस्वालविरुद्ध खेळताना शानदार रेकॉर्ड राहिला आहे. राजस्थान रॉयल्स संघात डाव्या हाताच्या फलंदाजांची संख्या अधिक आहे. त्यामुळे हैदराबाद संघात शहबाज अहमदऐवजी मयांक मरकंडेच्या समावेश केला जाऊ शकतो. मात्र राजस्थान रॉयल्स संघातील फलंदाज फिरकी गोलंदाजांविरुद्ध चांगली फलंदाजी करतात. त्यामुळे हैदराबादला विचार करुन संघाची निवड करावी लागणार आहे.

राजस्थान रॉयल्सबद्दल बोलायचं झालं, तर या संघातील गोलंदाजांनी आतापर्यंत शानदार कामगिरी केली आहे. सनरायझर्स हैदराबादचं वादळ रोखायचं असेल, तर राजस्थानच्या गोलंदाजांना या सामन्यातही चांगली गोलंदाजी करावी लागणार आहे.

अशी असू शकते सनरायझर्स हैदराबाद संघाची प्लेइंग ११...

ट्रेविस हेड, अभिषेक शर्मा, एडन मार्करम, हेनरीक क्लासेन (यष्टीरक्षक), नितीश कुमार रेड्डी, अब्दुल समद, पॅट कमिन्स (कर्णधार), मयंक मरकंडे/शाहबाद अहमद, भुवनेश्वर कुमार,जयदेव उनाडकट, टी नटराजन

इ्म्पॅक्ट प्लेअर - अनमोलप्रीत सिंग

या सामन्यासाठी अशी असू शकते राजस्थान रॉयल्स संघाची प्लेइंग ११...

यशस्वी जयस्वाल, जोस बटलर, संजू सॅमसन (कर्णधार आणि यष्टीरक्षक), रियान पराग, ध्रुव जुरेल, शिमरोन हेटमायर, रोवमेन पॉवेल, आर अश्विन, ट्रेन्ट बोल्ट, आवेश खान, संदीप शर्मा.

इम्पॅक्ट प्लेअर- युजवेंद्र चहल