महाराष्ट्रधर्म वाढवुया...मराठीची गुढी उंच उभी करुया..' या आकांक्षेसह मुख्यमंत्री देवेंद्र फडणवीस यांनी मराठी नववर्ष प्रारंभ अर्थात गुढी पाडव्याच्या शुभेच्छा दिल्या आहेत.
नववर्षाच्या पूर्वसंध्येला दिलेल्या या संदेशात म्हटले आहे की,' नववर्ष आपल्या सर्वांसाठी सुख, समाधान आणि समृद्धी घेऊन येवो. सर्वांच्या आशा- आकांक्षा आणि मनोकामना पूर्ण करणारे ठरावे. नवसंकल्पना साकार व्हाव्यात यासाठी ऊर्जा देणारे ठरावे त्यासाठी सर्वांना निरामय आरोग्य लाभो, हीच प्रार्थना. यातून लाभणाऱ्या नवचैतन्यातून महाराष्ट्रधर्म वाढविण्याचा... मराठीची गुढी आणखी उंच उभी करण्याचा निर्धार करुया !'
जागतिक स्तरावर सुरू असलेल्या युद्धपरिस्थितीचा परिणाम आता स्थानिक लघु उद्योगांवरही दिसून येत आहे. लोणावळ्यातील जग प्रसिद्ध चिक्की उद्योगाला कमर्शियल गॅस सिलेंडरच्या तीव्र टंचाईचा सामना करावा लागत असून अनेक कारखान्यांमधील उत्पादन पूर्णपणे बंद झाले आहे. दोन दिवस पुरेल एवढीच तयार चिक्की त्यांच्याकडे आहे. मात्र दोन दिवसानंतर दुकानच बंद करण्याची वेळ चक्की व्यवसायिकावर आलेली आहे.
पर्यटन नगरी म्हणून ओळखल्या जाणाऱ्या लोणावळ्यात राज्यासह देश-विदेशातील पर्यटक चिक्की खरेदी करण्यासाठी मोठ्या प्रमाणावर पसंती देतात. मात्र, व्यवसाईक गॅस सिलेंडर उपलब्ध होत नसल्यामुळे उत्पादनावर मोठा परिणाम झाला आहे. या परिस्थितीचा सर्वाधिक फटका कामगार वर्गाला बसत आहे. लोणावळ्यातील अनेक चिक्की कारखाने बंद झाल्या मुळे कामगार बेरोजगार झाले असून त्यांच्या उदरनिर्वाहाचा प्रश्न निर्माण झाला आहे.
मुख्यमंत्री फडणवीस नागपूर दक्षिण पश्चिम त्यांचा मतदारसंघात असलेल्या शोभा यात्रेत आठ रस्ता चौकातून सहभागी
हिंदू नववर्षाचा स्वगतानिमित मुख्यमंत्री देवेंद्र फडणवीस स्वतः यात आवर्जुन हजेरी लावत असतात....
जळगाव जिल्ह्यातील भुसावळ शहरात घरगुती गॅस सिलिंडरच्या बेकायदेशीर वापरावर प्रशासनाची धडक कारवाई करण्यात आली आहे. जिल्हाधिकाऱ्यांच्या मार्गदर्शनाखाली तहसीलदार नीता लबडे यांच्या पुरवठा विभागाने शहरातील हॉटेल आणि ढाब्यांवर अचानक छापे टाकले.
या कारवाईदरम्यान १९ हॉटेलची तपासणी करण्यात आली असून १२ घरगुती गॅस सिलिंडर जप्त करण्यात आले आहेत. हॉटेल गोपाळ, मनुमाता भरीत सेंटर, सुहास हॉटेल, युवा प्रतिष्ठान आणि तवक्कल हॉटेल यांसारख्या ठिकाणी ही कारवाई करण्यात आली.
घरगुती गॅसचा व्यावसायिक वापर करणे हा गुन्हा असल्याचा इशारा प्रशासनाने दिला असून, पुढील काळातही अशा मोहिमा सुरू राहणार असल्याचे स्पष्ट करण्यात आले आहे.
स्वघोषित कॅप्टन अशोक खरातच्या मालमतांची झाडाझडती सुरू
मागील काही वर्षात खरातने गोळा केली कोट्यावधींची माया
नाशिक शहरातील आलिशान बंगला, ऑफिससह पाथर्डी परिसरात कोट्यावधींची ३० एकर जमीन
तर सिन्नरसह ओझर विमानतळ परिसर आणि शिर्डीत देखील कोट्यावधींची जमीन
अशोक खरातने मागील काही वर्षात जवळपास २०० कोटींची माया जमवल्याची चर्चा
नाशिक पोलिसांकडून सिन्नरमधील मिरगाव येथील फार्म हाऊसची रात्री तपासणी
याशिवाय मिरगावतील इशान्येश्वर मंदिर आणि कुटीयाची केली तपासणी
मिरगावातील फार्म हाऊसवर अनेक नेत्यांसह कलाकार मंडळींचा असायचा राबता
महिलेच्या लैंगिक शोषण केल्याप्रकरणी खरात आहे अटकेत
सोलापूर शहर अन्न पुरवठा विभागाच्या पथकाकडून शहरात धाडसत्र सुरु
शहरात घरगुती गॅस सिलेंडरचा वापर व्यवसायासाठी केल्याने कारवाई
पावभाजी, चायनीज सेंटरवरुन तब्बल 41 टाक्या ताब्यात घेतल्या
शहर अन्न धान्य पुरवठा अधिकारी ओंकार पडोळे यांची माहिती.
पार्क चौक, जुळे सोलापूर, विजयपूर रोड, कंबर तलाव या भागातील चायनीज आणि पावभाजी सेंटरवर धाडी टाकण्यात आल्या.
विजापूर नाका, सदर बाजार आणि जेलरोड पोलीस स्टेशनमध्ये गुन्हा दाखल करण्याचे काम सुरु
मध्यपूर्व आशिया अमेरिका व युरोपियन खंडात सध्या सुरू असलेल्या युद्ध परिस्थितीच्या पार्श्वभूमीवर यवतमाळ जिल्ह्यातील इंधन पुरवठ्याबाबत खरेदीचा उपाय म्हणून घरगुती गॅस सिलेंडरच्या वितरकांची जिल्हाधिकारी विकास मीना यांनी बैठक घेऊन आढावा घेतला जिल्ह्यामध्ये सिलेंडरचा पुरेसासाठा उपलब्ध असून नागरिकांना बुकिंग नंतर फास्ट इन फास्ट ऑर्डर नुसार सिलेंडर उपलब्ध होईल तसेच गॅस एजन्सीवर गर्दी होऊ नये यासाठी टोकन सिस्टम लागू करावी बुकिंग नंतर आठ दिवसाच्या आत ग्राहकाला सिलेंडर उपलब्ध होईल असे नियोजन करण्याच्या सूचना जिल्हाधिकारी विकास मीना यांनी यंत्रणेला दिल्या आहे.
,लातूर जिल्ह्यात सुरू असलेल्या अंमली पदार्थविरोधी मोहिमेअंतर्गत पोलिसांनी मोठी कारवाई केली आहे. लातूरच्या गोंदेगाव शिवारात, अवैद्य गांजाची लागवड केल्याची गोपनीय माहिती स्थानिक गुन्हे शाखेला मिळाली, दरम्यान माहितीच्या आधारे पोलिसांच्या पथकाने अचानक छापा टाकत , तब्बल 34 किलो गांजाच्या मुद्देमालासह, आरोपीला ताब्यात घेत कारवाई केली आहे.
महाराष्ट्राची कुलस्वामिनी आई तुळजाभवानी मातेच्या मंदिरात परंपरेनुसार गुढीपाडवा सण साजरा करण्यात आलाय.साडेतीन शुभ मुहूर्त पैकी आजचा एक शुभ मुहूर्त असल्याने व मराठी नवीन वर्षाची आज सुरुवात होत असल्याने देवीची शिवकालीन दागिने घालुन अलंकार पुजा करण्यात आली.देवीची पहाटे 5 वाजता आरती करुन तुळजाभवानी मंदिराच्या शिखरावर विधीवत पुजा करुन गुढी उभारण्यात आली.तुळजापूर मंदीरावर गूढी उभारण्यात आल्यानंतर तुळजापूर शहरात नागरीक घरोघरी गुढी उभी करतात.दरम्यान तुळजाभवानी मंदीराचा विकास आराखडा जो सुरू होणार आहे तो निर्विघ्न पार पडावा अशी प्रार्थना गुढी समोर महंतानी केली
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
