Solapur News :

सोलापूरच्या अर्शिन कुलकर्णीची भारतीय संघात निवड झाली आहे. विजयवाडा येथे सुरू असलेल्या १९ वर्षांखालील मुलांच्या चौरंगी क्रिकेट स्पर्धेतील अष्टपैलू कामगिरीच्या आधारावर अर्शिनला ही संधी मिळाली आहे.

दुबई येथे होणाऱ्या युवा आशिया चषकासाठी भारतीय संघात निवड झाल्याचे बीसीसीआयनेने नुकतेच त्यांच्या अधिकृत संकेतस्थळावर जाहीर केले आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अर्शिन मागील दोन वर्षे महाराष्ट्राच्या १६ आणि १९ वर्षांखालील संघाकडून खेळत असून त्यातदेखील त्याचे उत्कृष्ट प्रदर्शन राहिले आहे. त्याच खेळाच्या जोरावर यावर्षी त्याची निवड महाराष्ट्र प्रीमियर लीगसाठी झाली अन् त्यातच त्याने फलंदाजीसोबत गोलंदाजीमध्ये देखील चुणूक दाखवली.  (Latest News)

अर्शिनचे हे अष्टपैलूत्व हेरत त्याला यावर्षी महाराष्ट्राच्या वरिष्ठ संघात सय्यद मुश्ताक अली चषकसाठी निवडण्यात आले. त्या स्पर्धेतदेखील चमकदार कामगिरीच्या आधारावर त्याची देशातील १९ वर्षांखालील मुलांच्या चॅलेंजर चषकासाठी निवड झाली. शहरातील बालरोगतज्ज्ञ डॉ.अतुल कुलकर्णी यांचा अर्शिन हा मुलगा आहे.