भारतीय क्रिकेट टीममध्ये नव्या आणि तरुण खेळाडूंना संधी देण्यावरून सुरू असलेली चर्चा पुन्हा एकदा रंगलीये. इंग्लंडविरुद्धच्या पहिल्या सामन्याआधी कर्णधार श्रेयस अय्यरने वैभव सूर्यवंशीच्या डेब्यूबाबत थेट उत्तर देणं टाळलंय. पण टीममधील संतुलन, अनुभवी खेळाडूंचा आधार आणि सुरक्षित वातावरण यावर त्यांने भर दिलाय.

वैभव सूर्यवंशीच्या डेब्यूवर काय म्हणाला कर्णधार?

15 वर्षांचा वैभव सूर्यवंशी याचा A टीममध्ये समावेश झाल्यापासून त्याच्या डेब्यूची मागणी जोर धरू लागली आहे. त्याला संधी द्यायची झाल्यास संजू सॅमसन आणि अभिषेक शर्मा यांची जोडी किंवा संयोजन बदलावं लागेल, अशी चर्चा सुरू आहे.

या पार्श्वभूमीवर श्रेयस अय्यर म्हणाला की, टीममध्ये अनेक खेळाडूंनी चांगली कामगिरी केलीये. त्यामुळे फक्त एका खेळाडूवर निर्णय घेता येत नाही. प्रत्येक खेळाडूला संधी आणि सुरक्षित वातावरण देणं गरजेचं आहे, जेणेकरून त्याचा आत्मविश्वास टिकून राहील.

श्रेयसने पुढे सांगितलं की, काही महिन्यांपूर्वी टी20 वर्ल्ड कप जिंकलेल्या खेळाडूंना टी20 क्रिकेटचा चांगला अनुभव आहे. ते या फॉरमॅटमध्ये भारताचा मजबूत आधारस्तंभ राहिलेत.

वैभव सूर्यवंशीला पुढच्या सामन्यात डेब्यू मिळणार का, यावर थेट उत्तर देताना अय्यर म्हणाला की, कोणालाही याची खात्रीलायक माहिती नाहीये. टीम काय निर्णय घेईल हे सांगता येत नाही, कारण ही माहिती गोपनीय ठेवली जाते.

या विषयावर चर्चा होते, पण फायनल प्लेइंग इलेव्हन आधीच जाहीर केल्यास विरोधी टीमला त्याचा फायदा होऊ शकतो. त्यामुळे रणनीती गुप्त ठेवली जाते. सूर्यवंशी हा युवा खेळाडू आहे आणि त्याला जेव्हा संधी मिळेल तेव्हा तो चांगली कामगिरी करेल, असा विश्वासही श्रेयसने व्यक्त केलाय.

सोशल मीडियावरील चर्चेबाबत अय्यरचा खुलासा

वैभव सूर्यवंशीच्या डेब्यूबाबत सोशल मीडियावर मोठी चर्चा आहे. यावर श्रेयस अय्यर म्हणाला की, मी अशी कोणतीही गोष्ट पाहिलेली नाही. मी स्वतः बातम्या फार पाहत नाहीत आणि सोशल मीडियापासूनही दूर राहतो. त्यामुळे मला अशा चर्चांची माहिती नाही.

आयर्लंडविरुद्धच्या पराभवावर प्रतिक्रिया

आयरलँड दौऱ्यात झालेल्या पराभवाबाबत बोलताना अय्यर म्हणाला की, तो पराभव लाजिरवाणा नव्हता, पण नक्कीच निराशाजनक होता. कारण टीने असा विचार केला नव्हता की आयर्लंड इतकी चांगली कामगिरी करेल. दरम्यान या सिरीजमधून खूप शिकायला मिळालं.