भारतीय संघाचा माजी फलंदाज सचिन तेंडुलकर हा आज (२ एप्रिल) आपला ५१ वा वाढदिवस साजरा करतोय. सचिन तेंडुलकरच्या नावे आतापर्यंत अनेक मोठ मोठ्या विक्रमांची नोंद आहे. यापैकी सर्वात मोठा रेकॉर्ड म्हणजे आंतरराष्ट्रीय क्रिकेटमध्ये १०० शतकं झळकावण्याचा रेकॉर्ड. आजवर कुठल्याच फलंदाजाला हा रेकॉर्ड मोडता आलेला नाही. दरम्यान सचिनच्या नावे आणखी काही मोठ्या रेकॉर्डची नोंद आहे. जे मोडणं कठीण आहे.

सर्वाधिक कसोटी सामने..

सचिन तेंडुलकरच्या नावे आंतरराष्ट्रीय क्रिकेटमध्ये २०० कसोटी सामने खेळण्याची नोंद आहे. उर्वरित खेळाडूंना इतके सामने खेळता आलेले नाहीत. वर्तमान क्रिकेटमध्ये १०० कसोटी सामने खेळणं ही मोठी गोष्ट मानली जाते. त्यामुळे सचिनचा हा रेकॉर्ड मोडणं कठीणच आहे.

सर्वाधिक आंतरराष्ट्रीय सामने..

आंतरराष्ट्रीय क्रिकेटमध्ये सर्वाधिक सामने खेळण्याची नोंद ही सचिन तेंडुलकरच्या नावावर आहे. सचिनने आपल्या कारकीर्दीत एकूण ६६४ सामने खेळले आहेत. दरम्यान ५०० सामने खेळणारा तो एकमेव खेळाडू आहे.

आंतरराष्ट्रीय क्रिकेटमध्ये सर्वाधिक धावा..

आंतरराष्ट्रीय क्रिकेटमध्ये सर्वाधिक धावा करण्याचा रेकॉर्ड हा सचिन तेंडुलकरच्या नावावर आहे. सचिन तेंडुलकरने आतापर्यंत ३४,३५७ धावा केल्या आहेत. वर्तमान क्रिकेटमध्ये फलंदाजांनी २५,००० धावांचा पल्ला गाठणं ही मोठी गोष्ट आहे. त्यामुळे हा रेकॉर्ड मोडणं देखील कठीण आहे.

आंतरराष्ट्रीय क्रिकेटमध्ये सर्वाधिक चौकार..

सचिन तेंडुलकर हा आयपीएल स्पर्धेच्या इतिहासात सर्वाधिक चौकार मारणारा फलंदाज आहे. त्याने ६६४ सामन्यातील ८७२ डावात ४०७६ हून अधिक चौकार मारले आहेत. तर दुसऱ्या स्थानी असलेल्या कुमार संगकाराने ३०१५ चौकार मारले आहेत.

सर्वाधिक वेळेस ५० पेक्षा अधिक धावा करणारा फलंदाज...

आंतरराष्ट्रीय क्रिकेटमध्ये सर्वाधिक वेळेस ५० पेक्षा अधिक धावा करणाऱ्या फलंदाजांच्या यादीत सचिन अव्वल स्थानी आहे. त्याने २६४ वेळेस हा कारनामा करून दाखवला आहे.