लालबागच्या राजाच्या दर्शनावेळी पुण्याच्या तरुणाचा मृत्यू

मुंबईतील प्रसिद्ध लालबागच्या राजाच्या दर्शनाला पुण्याहून आलेल्या एका तरुण भाविकाचा मृत्यू झाल्याची दुर्दैवी घटना घडली आहे. जयदीप मेघराज नेमाडे असे मृत्यू पावलेल्या तरूणाचे नाव आहे. तो लालबाग बिल्डींग नंबर 3 जवळ मित्रांसोबत बसलेला होता. त्यावेळी त्याला अस्वस्थ वाटू लागले. त्याचवेळी त्याला लालबाग गणेश उत्सव मंडळाच्या पदाधिकाऱ्यांनी ॲम्बुलन्सने ग्लोबल हॉस्पिटल येथे दाखल केले. पण तोपर्यंत उशीर झाला होता. डॉक्टरांनी त्याला मृत घोषित केले. प्राथमिक माहितीनुसार त्याचा हृदयविकाराच्या झटक्याने मृत्यू झाल्याची माहिती समोर आली आहे. काळाचौकी पोलीस ठाण्यात अकस्मात मृत्यूची नोंद करण्यात आली आहे.