इंडियन प्रीमियर लीगमध्ये विराट कोहलीच्या बंगळुरू संघानंतर पंजाबच्या संघाने फायनलमध्ये जबरदस्त एन्ट्री मारली आहे. त्यामुळे आता आयपीएलच्या अंतिम सामन्यात पंजाबचा संघ हा आरसीबीशी भिडणार आहे. पहिल्यांदा एकही चषक न जिंकलेले दोन्ही संघ येत्या ३ जून रोजी आमनेसामने येणार आहेत. त्यामुळे यंदाचा आयपीएलचा अंतिम सामना कोण जिंकणार, याकडे साऱ्यांचं लक्ष लागलं आहे.

इंडियन प्रीमियर लीगच्या दुसऱ्या क्वालिफायर सामन्यात पंजाब किंग्सने मुंबई इंडियन्सला ५ विकेटने पराभूत केलं. मुंबईला धूळ चारून पंजाब किंग्स फायनलमध्ये पोहोचला आहे. आता फायनलमध्ये पंजाबचा सामना थेट रॉयल चॅलेंज बँगळुरुसोबत होणार आहे. त्यामुळे येत्या ३ जून रोजी होणाऱ्या सामन्याकडे साऱ्या क्रिकेटप्रेमींचं लक्ष असणार आहे.

पंजाब किंग्सने नाणेफेक जिंकून गोलंदाजी निर्णय घेतला होता. प्रथम फलंदाजी करण्यासाठी उतरलेल्या मुंबई इंडियन्सच्या सूर्यकुमार यादव आणि तिलक वर्माने चांगली फंलदाजी केली. मुंबई इंडियन्सने २० षटकात २०२३ धावा कुटल्या. मुंबई इंडियन्सने दिलेल्या आव्हानाचा पंजाब किंग्सने यशस्वी पाठलाग केला. पंजाब किंग्सने एक षटक राखून सामना खिशात टाकला.

आरसीबी चौथ्यांदा आयपीएलच्या फालनलमध्ये

आयपीएलच्या पहिल्या क्वालिफायमध्ये आरसीबीने पंजाब किंग्सला धूळ चारली. पंजाब किंग्सला पराभूत करून विराट कोहलीच्या सेनेने फायनलचं तिकीट कन्फर्म केलं. आरसीबीने तब्बल ९ वर्षांनी फायलनमधील एन्ट्री निश्चित केली. आयपीएलच्या पहिल्या क्वालिफायर सामन्यात आरसीबीने पंजाबला ८ विकेटने पराभूत केलं.

या सामन्यात विराट कोहली १२ धावांवर बाद झाला होता. विराटचा विकेट गेल्यानंतर फिल साल्टने मयंक अग्रवालच्या साथीने डाव सावरला. दोघांनी मिळून ५४ धावांची भागीदारी रचली. पुढे मयंक अग्रवाल १९ धावांवर बाद झाला. तर फिल साल्टने २३ चेंडूत अर्धशतक पूर्ण केलं. आरसीबी चौथ्यांदा फायनलमध्ये पोहोचली आहे. याआधी आरसीबी २००९, २०११, २०१६ साली आयपीएलच्या फायनलमध्ये धडकली आहे.