LSG VS MI : लखनऊ सुपर जायंट्स विरुद्ध मुंबई इंडियन्स हा सामना एकाना स्टेडियमवर सुरु झाला आहे. या सामन्यामध्ये मुंबईचा कर्णधार हार्दिक पंड्याने टॉस जिंकला आणि पहिल्यांदा गोलंदाजी करण्याचा निर्णय घेतला. आजच्या सामन्यामध्ये रोहित शर्माला वगळण्यात आले आहे. मुंबईच्या या निर्णयामुळे चाहत्यांना मोठा धक्का बसला आहे.

टॉस झाल्यानंतर हार्दिक पंड्याने प्लेईंग ११ ची घोषणा केली. आजच्या मुंबईच्या अकरा खेळाडूंमध्ये रोहित शर्मा नसल्याचे हार्दिकने सांगितले. सराव करत असताना रोहित शर्माच्या गुडघ्याला दुखापत झाल्याची माहिती पंड्याने दिली. या दुखापतीमुळे आजच्या सामन्याला हिटमॅन मुकणार असल्याचे हार्दिक पंड्याने स्पष्ट केले.

आयपीएल २०२५ मध्ये मुंबईच्या पहिल्या सामन्यामध्ये चेन्नई विरुद्ध खेळताना शून्य धावा केल्या. दुसऱ्या सामन्यात गुजरातच्या विरोधात मैदानामध्ये उतरल्यावर रोहित ८ धावांवर बाद झाला. तर केकेआरविरुद्धच्या सामन्यामध्ये तो १३ धावा करुन माघारी परतला. सध्या हिटमॅन रोहित शर्माचा खराब फॉर्म सुरु असल्याचे म्हटले जात आहे.

मुंबई इंडियन्सची प्लेईंग ११ -

विल जॅक्स, रेयान रिकल्टन, सूर्यकुमार यादव, हार्दिक पंड्या (कर्णधार), नमन धीर, राज बावा, मिचेल सँटनर, ट्रेंट बोल्ड, अश्वनी कुमार, दीपक चहर, विग्नेश पुथुर.

लखनऊ सुपर जायंट्सची प्लेईंग ११ -

एडन माक्ररम, मिचेल मार्श, निकोलस पूरन, रिषभ पंत (कर्णधार), आयुष बडोनी, डेव्हिड मिलर, अब्दुल समद, शार्दुल ठाकुर, दिग्वेश राठी, आकाश दीप, आवेश खान.