IPL 2025 : रॉयल चॅलेंजर्स बंगळुरू विरुद्ध राजस्थान रॉयल्स या सामन्यात बंगळुरूचा सहज विजय झाला. आरसीबीने ९ विकेट्स राखून राजस्थानवर मात केली. या सामन्यात बंगळुरूचा स्टार फलंदाज विराट कोहलीने दमदार खेळी केली. त्याने ४५ बॉल्समध्ये ४ चौकार आणि २ षटकार मारत ६२ धावा केल्या. सॉल्ट आणि विराटमुळे बंगळुरूचा संघ पुन्हा एकदा विजयी झाला.

सामना जिंकल्यानंतर रॉयल चॅलेंजर्स बंगळुरूचे सर्व खेळाडू ड्रेसिंग रुममध्ये परतले. त्या वेळेस बॅट चोरीला गेल्याचे विराट कोहलीच्या लक्षात आले. ड्रेसिंग रुममध्ये गेल्यानंतर विराटने त्याची किट बॅग चेक केली. त्याच्या बॅगेमध्ये सात ऐवजी सहाच बॅट होत्या. एक बॅट गायब झाल्याने कोहली हैराण झाला. त्याने अन्य खेळाडूंना बॅटबद्दल विचारले.

किटबॅगमधून बॅट चोरीला गेली की काय? असा प्रश्न विराट कोहलीला पडला. ड्रेसिंग रुममध्ये तो बॅट शोधत होता. टीममधील इतर सदस्य आणि कोच यांनी आम्हाला त्याबद्दल काहीच माहीत नाही असे विराटला सांगितले. शेवटी टीम डेव्हिडने त्याच्या किटबॅगमधून विराट कोहलीची हरवलेली बॅट काढली. टीम डेव्हिडने मस्करी करत असल्याचे सांगून मी तुझी बॅट उसनी घेतली होती असे सांगितले. विराटसोबत टीम डेव्हिडसह इतर आरसीबी खेळाडूंनी प्रँक केला. या घटनेचा व्हिडीओ बंगळुरूच्या सोशल मीडिया अकाउंट्सवर शेअर करण्यात आला आहे.

दरम्यान विराट कोहली चांगल्या फॉर्ममध्ये असल्याने रॉयल चॅलेंजर्स बंगळुरूचा चाहते खुश आहेत. विराटने आयपीएल २०२५ मध्ये दोन सामन्यांमध्ये अर्धशतकीय खेळी केली आहे. एकूण सहा सामन्यात त्याने ६२.०० च्या सरासरीने २४८ धावा आहेत. विराटचा हा फॉर्म टिकून राहणे आरसीबीच्या पुढील वाटचालीसाठी आवश्यक आहे.