महेंद्रसिंग धोनीना कॅप्टन कूल म्हटलं जातं. याचं कारण म्हणजे त्याचा शांत आणि संयमी स्वभाव. चाहत्यांना त्याचा हा स्वभाव प्रचंड आवडतो. मात्र याच कॅप्टन कूलचा तुम्ही कधी रूद्र अवतार पहिलाय का? असाच धोनीच्या एका टीममेटने त्याच्या रागाबाबत खुलासा केला आहे. याचा व्हिडीओ सध्या खूप व्हायरल होतोय.

धोनीच्या करियरमध्ये एक अशी देखील घटना घडलीये ज्यामध्ये तो चांगलाच संतापला होता. चेन्नई सुपर किंग्जमधील झोनीचा टीममेट असलेल्या ड्वेन स्मिथने त्याच्या एका इंटरव्यूमध्ये हा किस्सा सांगितला आहे. ज्यामध्ये महेंद्रसिंग धोनी एका हॉटेलच्या मॅनेजमेंटवर संतापला होता. धोनी त्यावेळी इतका रागात होता की त्याने हॉटेल देखील सोडलं होतं.

२ घटनांचा स्मिथकडून खुलासा

ड्वेन स्मिथने यावेळी अशा दोन घटनांबाबत खुलासा केला आहे, ज्यामध्ये धोनी चांगलाच संतापला होता. पहिल्या घटनेबाबत सांगताना स्मिथ म्हणाला की, अश्विनने एक कॅच सोडला होता, तो फारच सोपा कच होता. मात्र त्यानंतर धोनी चांगलाच वैतागला होता. यावेळी धोनीने अश्विनला स्पिपवरून हटवलं आणि दुसरीकडे फिल्डींगला ठेवलं. त्यावेळी पहिल्यांदा मी धोनीला इतक्या रागामध्ये पाहिलं.

हॉटेल स्फाफवर भडकला धोनी

ड्वेन स्मिथने हॉटेलमध्ये घडलेल्या एका गोष्टीचा उल्लेख केला. त्याने सांगितलं की, एकदा हॉटेल स्टाफने खाणं आतमध्ये आणण्यास रोखलं होतं. हे खाणं धोनीसाठी डिलीवर करण्यात आलं होतं. यावेळी देखील धोनी चांगलाच संतापला होता. यावेळी तो ते हॉटेल सोडून दुसऱ्या हॉटेलमध्ये निघून गेला.

यंदाच्या आयपीएलमध्ये कॅप्टन्सी करतोय धोनी

चेन्नई सुपर किंग्जचा नियमित कर्णधार ऋतुराज गायकवाड दुखापतग्रस्त झाला. ऋतुराज टूर्नामेंटमधून बाहेर गेल्यानंतर महेंद्रसिंग धोनीला चेन्नईचं कर्णधारपद सोपवण्यात आलं. बऱ्याच वर्षानंतर धोनीच्या खांद्यावर ही जबाबदारी आली आहे. आता रविवारी चेन्नई विरूद्ध मुंबई सामना रंगणार आहे.