PBKS vs RR : पंजाब किंग्स आणि राजस्थान रॉयल्स ही आयपीएल २०२५ मधली लढत सुरु आहे. या सामन्यामध्ये पंजाब किंग्सचा कर्णधार श्रेयस अय्यरने टॉस जिंकला आणि प्रथम गोलंदाजी करण्याचा निर्णय घेतला. हा सामना आज पीसीए न्यू इंटरनॅशनल क्रिकेट स्टेडियमवर सुरु आहे. फलंदाजी करताना राजस्थानच्या संघाने एकूण २०५ धावा केल्या. पंजाबसमोर २०६ धावांचे आव्हान आहे.

यशस्वी जयस्वाल आणि संजू सॅमसन सलामीसाठी मैदानात उतरले. दोघांनी सुरुवातीपासून पंजाबवर हल्ला चढवला. पावर प्ले संपेपर्यंत यशस्वी आणि संजू यांनी कडक फलंदाजी केली. संजूने ३८ धावा केल्या. यशस्वी जयस्वाल टिकून खेळला, ६७ धावा करुन तो माघारी परतला. त्यानंतर आलेला नितीश राणा १२ धावांवर बाद झाला. रियान पराग शेवटपर्यंत टिकून राहिला, त्याने नाबाद ४३ धावा केल्या.

सामन्याच्या सुरुवातीला राजस्थान रॉयल्स पंजाबवर भारी पडत होती. पण संजू सॅमसन आणि यशस्वी जयस्वाल बाद झाल्यानंतर मध्यल्या वेळेत पंजाबने कमबॅक केल्याचे पाहायला मिळाले. पण त्यानंतर रियान परागने आक्रमक खेळ केला. शिमरॉन हेटमायर आणि नितीश राणा यांनीही धावा करण्याचा प्रयत्न केला. पंजाबने राजस्थानचे एकूण ४ गडी बाद केले.

पंजाब किंग्सची प्लेईंग ११ -

प्रभसिमरन सिंग, श्रेयस अय्यर (कर्णधार), मार्कस स्टॉइनिस, नेहल वढेरा, ग्लेन मॅक्सवेल, शशांक सिंग, सूर्यांश शेडगे, मार्को जॅनसेन, अर्शदीप सिंग, लॉकी फर्ग्युसन, युझवेंद्र चहल

राजस्थान रॉयल्सची प्लेईंग ११ -

यशस्वी जैस्वाल, संजू सॅमसन (कर्णधार), नितीश राणा, रियान पराग, ध्रुव जुरेल, शिमरॉन हेटमायर, वानिंदू हसरंगा, जोफ्रा आर्चर, महेश थेक्षाना, युधवीर सिंग चरक, संदीप शर्मा