Pahalgam Terror Attack X
Sports

Pahalgam Attack : पहलगामचा हल्ला माझ्याच देशाने घडवून आणला, पाकिस्तान क्रिकेटपटूने केली पोलखोल

Pahalgam Terror Attack : काश्मीरच्या पहलगाममध्ये मंगळवारी (२२ मार्च) दहशतवादी हल्ला झाला. हा हल्ला माझ्या देशाने, पाकिस्ताननेच घडवून आणल्याचा दावा पाकिस्तानच्या माजी क्रिकेटपटूने केला आहे.

Yash Shirke

Pahalgam Terrorist Attack : काश्मीर खोऱ्यातील पहलगाम येथील दहशतवादी हल्ल्यामध्ये २८ जणांचा दुर्देवी मृत्यू झाला. गोळीबारामध्ये अनेकजण जखमी झाले. पहलगाम हल्ल्याचा जगभरातून तीव्र निषेध केला जात आहे. पाकिस्तानचा माजी क्रिकेटपटू दानिश कानेरियाने या हल्ल्यावर संताप व्यक्त केला आहे. हा हल्ला पाकिस्तानने केल्याचा दावा कानेरियाने केला आहे.

पाकिस्तानच्या उपपंतप्रधानांनी पहलगाम हल्ल्यात सहभागी झालेल्या दहशतवाद्यांना स्वातंत्र्यसैनिक असे संबोधले होते. त्यांच्या याच विधानाला जोडून दानिश कानेरियाने नवी पोस्ट शेअर केली आहे. 'पाकिस्तानचे उपपंतप्रधान स्वत: दहशतवाद्यांना स्वातंत्र्यसैनिक म्हणत आहेत. हे अपमानास्पदच आहेच पण आपल्याच देशाने हा हल्ला केला आहे हे मान्य करण्यासारखे आहे' असे दानिश कानेरियाने म्हटले आहे.

याआधीही दानिश कानेरियाने पाकिस्तानचे पंतप्रधान शहबाज शरीफ यांच्यावर निशाणा साधला होता. 'जर पहलगाम दहशतवादी हल्ल्यात पाकिस्तानचा काही संबंध नसेल, तर पंतप्रधान शहबाज शरीफ अजूनही शांत का आहेत? या हल्ल्याचा त्यांनी निषेध का केला नाही? पाकिस्तानचे सैन्य हाय अलर्टवर का आहे?' असे कनेरियाने पोस्टमध्ये लिहिलेले होते.

दानिश कानेरिया पाकिस्तान क्रिकेट संघातील मोजक्या हिंदू क्रिकेटपटूंपैकी एक होता. पाकिस्तानमध्ये हिंदू धर्मीय असल्याने आपल्यावर किती अत्याचार झाले याबद्दलची त्याने अनेकदा माहिती दिली आहे. स्पॉट फिक्सिंग प्रकरणामुळे त्याच्यावर क्रिकेट बोर्डाने आजीवन बंदी घातली होती. सध्या तो कुटुंबासह अमेरिकेमध्ये वास्तव्याला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT