क्रिकेट मॅचवर ऑनलाइन सट्टा चालविणाऱ्या टोळीचा औरंगाबाद पोलिसांनी (Aurangabad Police) पर्दाफाश केला आहे. औरंगाबाद (Aurangabad) शहराजवळील वाळूज एमआयडीसी परिसरातल्या रांजणगाव येथे ही कारवाई करण्यात आली आहे. या कारवाईत दोन लाख 21 हजार रुपयाच्या मुद्देमालासह सात जणांना अटक (Arrest) करण्यात आली आहे. औरंगाबाद शहरातील गुन्हे आणि सायबर विभागाच्या पथकाला वाळूज परिसरात सट्टा सुरू असल्याची माहिती मिळाली होती. त्यानुसार पहाटे छापा टाकून जुगार अड्डयावरून जुगाऱ्यांसह २ लाख ३१ हजार ३०० रुपयांचा मुद्देमाल जप्त केला आहे. (Aurangabad Crime Latest News)

हे देखील पहा -

सूरज पंडित हा क्रिकेटच्या मॅचवर फोनद्वारे पैसे लावून सट्टा घेत होता. भाड्याच्या घरात तो ऑनलाइन सट्टा खेळताना व खेळविताना आढळून आला. त्यास ताब्यात घेऊन विचारपूस केल्यानंतर पूनमसिंग ठाकूर याच्या सांगण्यावरून आपण हा सट्टयाचा धंदा चालवतो अशी माहिती मिळाली. त्याच्यासोबत विठ्ठल धनसिंग काकस हा सट्टयावर लावलेले पैसे जमा करीत असल्याचे दिसून आले.

या कारवाईत पोलिसांनी मुख्य आरोपी प्रशांत ठाकूर, सूरज पंडित, विठ्ठल काकस याच्यासह सुरेश रामराव नरवडे, सुरेश रामचंद्र दुबिले, प्रभाकर सूर्यभान काजळे, सुदाम राधाकिसन काळजे या सात जणांना अटक केली. हे सर्व दुसऱ्याच्या कागदपत्रांचा गैरवापर करून सीमकार्ड खरेदी करीत सट्टा खेळवत होते.

Edited By - Shivani Tichkule