सातारा : महाविकास आघाडी सरकार भावनिक वाद निर्माण करत आहे. त्यांनी काहीही चांगले काम केलं नाही. मुंबईत आंदोलन मागे घेण्याची नाना पटोलेंना आता उपरती झाली आहे असे सांगत अंगावर आल्यावर शिंगावर घेऊ ही भूमिका आम्ही घेतल्यावर नाना पटोले जमिनीवर आल्याचे दरेकर यांनी सांगितले आहे.
विधान परिषदेचे विरोधी पक्ष नेते प्रवीण दरेकर (pravin darekar) यांनी साताऱ्यात (satara) पत्रकार परिषद घेऊन राज्य सरकारच्या विरोधात जोरदार टीका केली आहे. दरम्यान साता-याचे दाेन्ही राजे (shivendraraje bhosale) (udayanraje bhosale) भाजपात आहेत. पालिकेच्या निवडणुकीत दाेघे स्वतंत्र लढतील अशी शक्यता आहे, या माध्यमांच्या प्रश्नावर दरेकर (praveen darekar) म्हणाले दाेन्ही ही राजे आमचेच आहेत. त्यामुळं ते विराेधात लढतील असेही नाही. विराेधी पक्ष नेते आणि भाजपाचे नेते देवेंद्र फडणवीस (devendra fadnavis) त्यावर मार्ग काढतील असे दरेकर यांनी स्पष्ट केले.
शिवजयंती तारखे बाबत प्रवीण दरेकर यांनी छत्रपती शिवाजी महाराज यांची जयंती रोज साजरी व्हावी. आपल्या राजांचे जयंतीच्या माध्यमातून कार्य आणि कर्तृत्व समोर येणार असेल तर शिवजयंती रोज साजरी झाली पाहिजे असे दरेकर यांनी नमूद केले.
मनसे अध्यक्ष राज ठाकरे (raj thackeray) यांना हिंदु हदयसम्राट म्हणत त्यांचा फलक लावण्यात आला आहे. याबाबत दरेकर यांना विचारले असता त्यांनी राज ठाकरे जर हिंदुत्ववादी भूमिका घेत असतील तर त्याचे स्वागतच आहे असे त्यांनी स्पष्ट केले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.