PAK vs NZ Match Highlights, ICC Champions trophy 2025: कर्णधार मोहम्मद रिझवानच्या नेतृत्वात पाकिस्तानच्या संघाला चॅम्पियन्स ट्रॉफीतील पहिल्या सामन्यात पराभवाला सामोरे जावे लागले आहे. चॅम्पियन्स ट्रॉफीच्या पहिल्या सामन्यात पाकिस्तानची सेना न्यूझीलंडच्या गोलंदाजीपुढे ढेर झाली. न्यूझीलंडने पाकिस्तानला ६० धावांनी धूळ चारली आहे. कराचीच्या नॅशनल स्टेडियमध्ये हा सामना झाला.

न्यूझीलंडने पाकिस्तानला ३२१ धावांचं आव्हान दिलं होतं. न्यूझीलंडने दिलेल्या आव्हानाचा पाठलाग करताना पाकिस्ताला ८ धावांवर पहिला धक्का बसला. सऊद शकील १९ चेंडूत ६ धावा करून बाद झाला. सऊदला ओ'रुरकेने झेल बाद केला. त्याचा झेल मॅट हेनरीने घेतला. तर पाकिस्तानला दुसरा झटका २२ धावांवर बसला. कर्णधार मोहम्मद रिझवान १४ धावांत ३ धावा करून झेल बाद झाला. त्यालाही ओ'रुरकेने बाद केले.

दोन विकेट गेल्यानंतर पाकिस्तानने डाव सावरला. त्यानंतर ६९ धावांवर पाकिस्तानला तिसरा मोठा धक्का बसला. फखर जमाला मायकल ब्रेसवेलने बाद केलं. फखर ४१ चेंडूत २४ धावांवर बाद झाला. सलमान आगाने ४२ धावा केल्या. मात्र त्याला संघाचा डाव सावरता आला नाही. तेय्यब ताहिर देखील अवघ्या एका धावावर बाद झाला.

पाकिस्तनचे १५३ धावांवर सहा गडी बाद झाले होते. बाबर आझमही अर्धशतक केल्यानंतर बाद झाला. बाबरने ९० चेंडूत ६४ धावा कुटल्या. बाबरला ६४ धावांवर मिचेलने बाद केले. त्यानंतर पाकिस्तानला ७ वा धक्का शाहीन आफ्रिदीच्या रुपात बसला. शाहीन १४ धावांवर बाद झाला.

पाकिस्तानला मोठा झटका २२९ धावांवर बसला. पाकिस्तानला ८ वा धक्का खुशदिल शाहच्या रुपात बसला. खुशदिलने ४९ चेंडूत ६९ धावा कुटल्या. त्यानंतर बाद झाला. यानंतर न्यूझीलंड संघाने पाकिस्तान संघाला २६० धावांवर गुंडाळलं.