यंदाच्या आयपीएलमध्ये ४५ वा सामना २७ एप्रिल रोजी मुंबई इंडियन्स विरूद्ध लखनऊ सुपर जाएंट्स यांच्यामध्ये रंगणार आहे. दुपारी मुंबईच्या वानखेडे मैदानावर हा सामना रंगणार आहे. या सामन्यात कोणती टीम बाजी मारणार याकडे सर्वांचं लक्ष असणार आहे.

यंदाच्या सिझनमध्ये मुंबईच्या टीमची सुरुवात काही फारशी चांगली झाली नाही. मात्र त्यानंतर मुंबईने त्यांच्या खेळ दाखवत सलग ४ सामने जिंकले. त्यामुळे मुंबईची टीम पुन्हा एकदा प्लेऑफमध्ये पोहोचण्यासाठी दावेदार मानली जातेय. दुसरीकडे लखनऊ सुपर जाएंट्सने आतापर्यंत ९ सामन्यांपैकी ५ विजय मिळवला आहे.

कसं आहे वानखेडेचं पीच?

मुंबई विरूद्ध लखनऊ यांच्यामध्ये वानखेडे मैदानावर हा सामना खेळवला जाणार आहे. या मैदानावरील खेळपट्टी फलंदाजांच्या दृष्टीने अनुकूल मानली जातेय. त्यामुळे जी टीम टॉस जिंकेल ती टीम गोलंदाजी घेऊन लक्ष्याचा पाठलाग करण्यावर भर देईल.

या पीचवर नव्या बॉलमुळे सुरुवातीच्या वेळेस थोडी मदत मिळणार आहे. मात्र त्यानंतर फलंदाजांना खेळणं थोडं कठीण होऊ शकतं. पहिल्यांदा फलंदाजी करणाऱ्या टीमला कमीत कमी २०० पेक्षा जास्त रन्स करावे लागणार आहे.

कशी असेल दोन्ही टीम्सची प्लेईंग ११

मुंबई इंडियन्स

रायन रिकेल्टन (विकेटकीपर), सूर्यकुमार यादव, तिलक वर्मा, हार्दिक पंड्या (कर्णधार), नमन धीर, विल जॅक्स, मिचेल सँटनर, दीपक चहर, ट्रेंट बोल्ट, जसप्रीत बुमराह, विघ्नेश पुथूस

लखनऊ सुपर जाएंट्स

एडन मार्कराम, मिचेल मार्श, निकोलस पूरन, ऋषभ पंत (कर्णधार/विकेटकीपर), डेव्हिड मिलर, अब्दुल समद, शार्दुल ठाकूर, दिग्वेश सिंग राठी, रवी बिश्नोई, आवेश खान, प्रिन्स यादव