Rohit Sharma: तू माझ्यासारखा नाही खेळू शकत...! 23 वर्षीय खेळाडूला असं का म्हणाला रोहित शर्मा? पाहा Video

मुंबईच्या वानखेडे स्टेडियमवर आज दुपारी मुंबई इंडियन्स विरूद्ध लखनऊ सुपर जाएंट्स यांच्यामध्ये सामना रंगणार आहे. यंदाच्या सिझनमध्ये यापूर्वी झालेल्या सामन्यात लखनऊने मुंबईचा पराभव केला होता. त्यामुळे यावेळी मुंबई घरच्या मैदानावर पराभवाचा बदला घेणार का हा प्रश्न सर्वांसमोर आहे. दरम्यान या सामन्यापूर्वी रोहित शर्माचा एका युवा खेळाडूसोबतचा एक व्हिडीओ व्हायरल झाला आहे.

सामन्यापूर्वी प्रॅक्टिस करत असताना मुंबई इंडियाचा माजी कर्णधार रोहित शर्मा आणि लखनऊचा खेळाडू अब्दुल समद यांचा एक व्हिडीओ सोशल मीडियावर व्हायरल झाला आहे. यामध्ये रोहित शर्मा २३ वर्षीय युवा खेळाडूला काही टीप्स देताना दिसतोय.

रोहितने दिल्या तरूण खेळाडूला खास टीप्स

व्हायरल होत असलेला हा व्हिडीओ वानखेडे स्टेडियमचा आहे. या ठिकाणी सामन्यापूर्वी दोन्ही टीम्स वानखेडे स्टेडियममध्ये प्रॅक्टिस करत होत्या. प्रॅक्टिस दरम्यान रोहितने जम्मू-काश्मिरच्या २३ वर्षीय खेळाडूला टीप्स दिले. यावेळी रोहितने खेळाडूला मानसिकरित्या तयार राहण्याचा सल्ला दिला. हा व्हिडीओ लखनऊ सुपर जाएंट्सच्या सोशल मीडियावर पोस्ट करण्यात आला आहे.

काय म्हणाला रोहित?

लखनऊ सुपर जाएंट्सद्वारे शेअर करण्यात आलेल्या व्हिडीओमध्ये रोहित शर्मा म्हणतोय की, कधी-कधी कसं असतं की विकेटचा एक पेस असतो. हा प्रत्येक दिवशी वेगळा असतो. आज ह्यूमिडीटी जास्त असेल तर उद्या मॉइश्चर जास्त असू शकतं. ह्यूमिडीटी कमी असेल तर हवा जास्त असते आणि खेळपट्टी चांगली राहतो. हे जोपर्यंत सामना सुरु होत नाही तोपर्यंत समजत नाही.

रोहितने समदला टेक्निक देखील समजावून सांगितली. रोहित म्हणाला की, तू माझ्यासारखा नाही खेळू शकत किंवा मी तु्झ्यासारखा नाही खेळू शकत. तुझं एक वेगळं टॅलेंट आहे. मी त्याची टेक्निक पाहेन, असं केलं तर संपूर्ण आयुष्य निघून जाईल. त्यामुळे याठिकाणी सर्वात महत्त्वाचं आहे ते आपलं डोकं, आपण बुद्धीने कसं खेळू शकतो हे महत्त्वाचं आहे.

मुंबई आणि लखनऊच्या टीमने या सिझनमध्ये आतापर्यंत ९-९ सामने खेळले आहेत. यामध्ये दोन्ही टीम्सने आतापर्यंत ५-५ सामन्यांमध्ये विजय मिळवला आहे. त्यामुळे दोन्ही टीम्सच्या खात्यात १० पॉईंट्स आहेत. अशातच आजचा सामना कोण जिंकणार हे महत्त्वाचं आहे.