पंजाब किंग्जविरुद्ध झालेल्या सामन्यात एमएस धोनी पहिल्याच चेंडूवर त्रिफळाचित होऊन माघारी परतला. मात्र वयाच्या ४२ व्या वर्षी त्याच्या नावे एका मोठ्या विक्रमाची नोंद झाली आहे. धोनीने आयपीएल स्पर्धेत १५० झेल टिपण्याचा पराक्रम केला आहे. असा कारनामा करणारा तो जगातील पहिलाच यष्टिरक्षक ठरला आहे. आजवर कुठल्याच यष्टिरक्षकाला असा कारनामा करता आला नव्हता. दरम्यान धोनीने हा कारनामा वयाच्या ४२ व्या वर्षी करून दाखवला आहे.

एमएस धोनी हा या स्पर्धेतील सर्वात अनुभवी खेळाडूंपैकी एक आहे. तो या स्पर्धेच्या पहिल्या हंगामापासून खेळतोय. त्याने या स्पर्धेत चेन्नई सुपर किंग्ज आणि रायझिंग पुणे सुपर जायंट्स संघाचं नेतृत्व केलं आहे. त्याला या स्पर्धेत२६१ सामने खेळण्याचा अनुभव आहे. यादरम्यान त्याने १५० झेल टिपले आहेत. तर ४२ फलंदाजांना यष्टीचीत करत माघारी धाडलं आहे. यासह त्याने एकूण १९२ फलंदाजांना पॅव्हेलियनची वाट दाखवली आहे.

आयपीएल स्पर्धेत सर्वाधिक झेल टिपण्याच्या बाबतीत रॉयल चॅलेंजर्स बंगळुरू संघातील यष्टिरक्षक दिनेश कार्तिक दुसऱ्या स्त्यानी आहे. दिनेश कार्तिकने २४५ सामने खेळून १४२ गडी बाद केले आहेत. यादरम्यान ३६ फलंदाजांना त्याने त्रिफळाचित केलं.

हा कारनामा त्याने पंजाब किंग्जविरुध्दच्या सामन्यात करून दाखवला आहे. त्याने जितेश शर्माचा झेल टिपला आणि हा रेकॉर्ड आपल्या नावावर केला आहे. तसेच या सामन्याबद्दल बोलायचं झालं तर, प्रथम फलंदाजी करण्यासाठी आलेल्या

पंजाब किंग्ज संघाने २० षटक अखेर ९ गडी बाद १६७ धावा केल्या. या धावांचा पाठलाग करण्यासाठी आलेल्या पंजाब किंग्ज संघाला २० षटकअखेर अवघ्या ९ गडी बाद १३९ धावा करता आल्या.