तुमच्या माशांवर केमिकल स्प्रे? तुम्ही खाताय केमिकल मासे?

सावधान... तुम्ही जर रस्त्यावर मासे विकत घेत असाल तर सावधान... कारण तुम्ही मासे नाही तर माश्यांच्या नावाखाली केमिकल खाताय..हो तुम्ही चक्क केमिकल खाताय..असं आम्ही का म्हणतोय...तर मग हा व्हीडीओ नीट पाहा..होय हे आहे झुरळ मारण्याचं केमिकल.. हेच केमिकल वसई पूर्व येथील नवजीवन परिसरातील एका मासेविक्रेत्याकडून माशांवर मारलं जातंय.. आणि तुमच्या जीवाशी खेळ केला जातोय..

खरंतर, हे औषध झुरळ मारण्यासाठी उपयोगात आणलं जातं आणि त्यामुळे ते विषारी असतं. तसंच, हे केवळ कीटक मारण्यासाठी बनवलेले आहे. त्याचा अन्नाशी किंवा खाद्यपदार्थांशी थोडा जरी संपर्क आला, तरी ते आरोग्यासाठी अत्यंत धोकादायक ठरतं. मात्र हा प्रकार काही पहिलाच नाहीये.. याआधीदेखील मासे विक्रेत्यांकडून अनेकदा ग्राहकांच्या आरोग्याशी खेळ केल्याचं निदर्शनास आलंय. काही दिवसांपूर्वीच ठाण्यात मासेविक्रेत्याकडून मासे विकताना लघुशंका केल्याचा धक्कादायक प्रकार घडला होता. तसंच, कुठे मासे ताजे दिसावेत म्हणून रंगदेखील लावला जातोय. तर कुठे सांडपाण्यात मासे धुतले जाताहेत. तर काही दिवसांपूर्वी मालाडमध्ये एका फळविक्रेत्यानं उंदीरांनी फळ खाऊ नये म्हणून उंदीर मारण्याचं औषध लावल्याचा धक्कादायक प्रकार घडला होता...अशातच आता माशांवर स्प्रे मारतानाचे दृश्य समोर आल्यामुळे नागरिकांनी संताप व्यक्त केलाय.

अशा धोकादायक प्रकारामुळे सर्वसामान्यांचा आरोग्याचा प्रश्न पुन्हा एकदा निर्माण झालाय. वेळोवेळी कारवाई होऊनही ग्राहकांच्या जीवाशी खेळ सुरूच असतो. त्यामुळे अशा विक्रेत्यांवर कठोरात कठोर कारवाई कधी होणार, हाच खरा प्रश्न.