वानखेडे स्टेडियमवर आज मुंबई इंडियन्स विरुद्ध सनरायजर्स हैदराबाद रंगला आहे. या सामन्यात मुंबई इंडियन्सचा कर्णधार हार्दिक पंड्याने टॉस जिंकली आणि मुंबईने प्रथम गोलंदाजी केली.दुसऱ्या बाजूला सनरायजर्स हैदराबादच्या खेळाडूंनी २० ओव्हर्समध्ये एकूण १६२ धावा केल्या. मुंबईला जिंकण्यासाठी १६३ धावांचे आव्हान हैदराबादने ठेवले.

मुंबई विरुद्ध हैदराबाद सामन्यात अनेक रंजक गोष्टी पाहायला मिळाल्या. मुंबईची फलंदाजी सुरु असताना रोहित शर्मा २६ धावांवर बाद झाला. त्यानंतर रायन रिकल्टन आणि विल जॅक्स फलंदाजी करत होते. दरम्यान हैदराबादच्या झीशान अन्सारीच्या ओव्हरमध्ये आगळावेगळा ड्रामा पाहायला मिळाला. आउट झालेला रायन रिकल्टन मैदानाबाहेर गेला. पण त्याला पुन्हा एकदा फलंदाजीसाठी बोलवण्यात आले.

नेमकं काय झालं?

झीशान अन्सारीच्या ओव्हरमध्ये गोलंदाजी करत होता. त्याच्या पहिल्या ओव्हरच्या पाचव्या बॉलवर जोरदार शॉट मारला पण पॅट कमिन्सने त्याची कॅच घेतली. आउट झाल्याने रायान मैदानाबाहेर डनआउटपर्यंत पोहोचला. पण त्याच दरम्यान फोर्थ अंपायरने नो-बॉलची घोषणा केली. जेव्हा रायान आउट झाला, तेव्हा हैदराबादचा विकेटकिपर हेनरिक क्लासेनचे ग्लोव्हस स्टंपसमोर असल्याने नो-बॉल देण्यात आला. अंपायर्सनी नो-बॉलची घोषणा करण्याआधी रायान मैदानाच्या बाहेर गेला होता. चौथ्या क्रमावर खेळणारा सूर्यकुमार यादव मैदानावर पोहोचला होता. पण आउट न झाल्याने रायानला फलंदाजी करण्यासाठी पुन्हा बोलवण्यात आले. पण लगेच पुढच्या ओव्हरमध्ये हर्षल पटेलने रायानला बाद केले.

मुंबई इंडियन्सची प्लेईंग ११ -

रायन रिकल्टन, विल जॅक्स, सूर्यकुमार यादव, तिलक वर्मा, हार्दिक पंड्या (कर्णधार), नमन धीर, मिचेल सँटनर, दीपक चहर, ट्रेंट बोल्ड, जसप्रीत बुमराह, कर्ण शर्मा.

सनरायजर्स हैदराबादची प्लेईंग ११ -

अभिषेक शर्मा, ट्रेव्हिस हेड, इशान किशन, नितीश कुमार रेड्डी, हेनरिक क्लासेन, अनिकेत वर्मा, पॅट कमिन्स (कर्णधार), मोहम्मद शमी, हर्षल पटेल, ईशान मलिंगा, झीशान अन्सारी.