Kusal Mendis On Virat Kohli Century:

विराट कोहलीने रविवारी ईडन गार्डनच्या मैदानावर विक्रमी शतक झळकावलं आहे. दक्षिण आफ्रिकेविरुद्ध झालेल्या सामन्यात त्याने आपल्या वनडे कारकिर्दीतील ४९ वे शतक झळकावले आहे.

यासह त्याने वनडे क्रिकेटमध्ये सर्वाधिक शतक झळकावण्याच्या बाबतीत मास्टर ब्लास्टर सचिन तेंडुलकरची बरोबरी केली आहे.या ऐतिहासिक कामगिरीनंतर सर्वच स्तरातून त्याचं कौतुक केलं आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

विराट कोहलीने आपलं शतक पूर्ण केल्यानंतर अनेक दिग्गज खेळाडूंनी ट्वीट करत विराटचं अभिनंदन केलं आहे. दरम्यान श्रीलंकेचा कर्णधार कुसल मेंडिसने विराटला शुभेच्छा देण्यास नकार दिला आहे.

पत्रकार परिषद सुरु असताना कुसल मेंडिसला प्रश्न विचारण्यात आला की, विराटने ४९ वे शतक झळकावले आहे, तू त्याला शुभेच्छा देशील का? या प्रश्नावर उत्तर देत तो कुसल मेंडिस म्हणाला की,'मी का शुभेच्छा देऊ? कुसल मेंडिसने उत्तर देताच सर्वांना हसू आलं. हा व्हिडिओ सोशल मीडियावर व्हायरल होताच सोशल मीडियावर जोरदार व्हायरल होऊ लागला आहे. (Latest sports updates)

किंग कोहलीची विराट खेळी..

या सामन्यात विराट कोहलीने सचिन तेंडुलकरच्या सर्वाधिक शतकांच्या रेकॉर्डशी बरोबरी केली आहे. तसेच वनडे वर्ल्डकप स्पर्धेत सर्वाधिक धावा करण्याच्या बाबतीत त्याने कुमार संगकाराला मागे सोडत तिसऱ्या स्थानी पोहोचला आहे. दक्षिण आफ्रिकेविरुद्ध झालेल्या सामन्यात त्याने १२१ चेंडूंचा सामना करत १०१ धावांची खेळी केली. या खेळी दरम्यान त्याने १० चौकार मारले.

विराटने २००९ मध्ये याच मैदानावर श्रीलंकेविरुद्ध आपल्या आंतरराष्ट्रीय कारकिर्दीतील पहिले शतक झळकावले होते. या शतकी खेळीसह त्याने वाढदिवसाच्या दिवशी शतक झळकावणाऱ्या फलंदाजांच्या यादीत प्रवेश केला आहे. या खेळाडूंच्या यादीत सचिन तेंडुलकर, विनोद कांबळी, रॉस टेलर, सनथ जयसूर्या, टॉम लेथम आणि मिचेल मार्श या खेळाडूंचा समावेश आहे.